Shorti është hedhur sot në Gjykatën e apelit ndërsa është caktuara ora 9 për nisjen e seancës me relator Astrit Haxhialushi aktualisht dhe anëtar i KLD-së.
Më 13 shkurt Gjykata e Tiranës shpalli të pafajshëm Ndrea Prendin, Agim Llupon dhe Margarit Kumen për vrasjen e demonstruesve Ziver Veizi, Faik Myrtaj, Aleks Nika, dhe Hekuran Deda. Trupi gjykuesi i kryesuar nga Besnik Hoxha pranoi vrasjen e protestuesve por i deklaroi efektivët e gardës të pafajshëm.
Vendimi u apelua nga organi i akuzës i cili në pretencën e tij kërkoi dënimin e Prendit dhe Llupos si autor të vrasjes së protestuesve.
Ende nuk është bërë i ditur trupi gjykues i cili do të kryesojë seancën në gjykatën e aplit ndërsa pritet që ky gjyq të ketë një interest madh të medias dhe publikut pasi ende vrasjet e protestuesve janë një temë e nxehtë dhe e debatit politik në fushatën elektorale e cila po zhvillohet për zgjedhjet e 23 qershorit.
Redaksia online
(sg/shqiptarja.com)
![](https://www.shqiptarja.com/template/img/sh_logo1.png)