21 janari, Rama-Wollfarth
shkënbejnë replika të forta

TIRANE- Kreu i OSBE Eugen Wollfarth dhe lideri i opozitës, Edi Rama kanë shkëmbyer replika për sa i përket ngjarjes së 21 janarit të këtij viti, ku përpara dyerve të kryeministrisë u vranë katër demonstrues të opozitës.

Nëpërmjet Twitter, Rama i është përgjigjur Wollfarth i cili  dje, në një takim me studentët në vigjilje të Ditës Ndërkombëtare të luftës kundër Korrupsionit, ambasadori u  shpreh dhe për 21 janarin. "Situata e pastabilizuar e 21 janarit tashmë ka kaluar, ne ofruam kontribut për përmirësimin e saj, mbështetëm opozitën dhe maxhorancën.Bojkoti i kushtoi Shqipërisë 2 vjet, por situata tani është normale e Parlamenti po funksionon", tha Wollfarth. I cili ka nënvizuar se Parlamenti duhet të votojë ligjet me 3/5, të punojë për reformën zgjedhore dhe se është me rëndësi edhe zgjedhja e Avokatit të Popullit.

Në reagimin e kreut të PS, Rama në Twitter thuhet "21 janari s'mbyllet kurrë pa ndëshkimin e vrasësve dhe vendin e ka bllokuar vjedhja ezgjedhjeve e keqqeverisja i dashur ambasador i OSBE". Një deklaratë e fortë e kreut socialist Rama, përmes të cilës ka dhënë dhe njëherë qëndrimin e tij të fortë se kjo ngjarje duhet zbardhet me patjetër dhe se nuk pajtohet me mbylljen e saj kështu, qoftë dhe nëse e rekomandon një përfaqësues ndërkombëtar.

TAG:
• OSBE