Ndërgjegjësimi i qytetarëve për t'u mbrojtur nga coronavisuri po zbehet gjithnjë e më shumë. Në ditën e 22 të karantinës lëvizjet në qytet të këmbësorëve dhe automjeteve gjatë orëve të paradites së sotme kanë qenë të shumta.
Qytetarët kanë lëvizur në mënyre të grupuar, duke shkelur hapur rregullat e përcaktuara për mbrojtjen nga COVID-19. Grumbullimet më të mëdha me njerëz janë në tregjet e fruta perimeve, megjithatë radhë pa distancë ka pasur edhe në banka e shërbime të tjera të lejuara.
Me kalimin e ditëve, ndërgjegjësimi i qytetarëve sa vjen dhe po shuhen, Në qytetin e Kukësit ditën e sotme ka pasur shumë lëvizje, në tregje, radhë në banka dhe ajo që vihet re është se nuk respektohet ruajtja e distancës. Nga kontrollet e zhvilluara në 24 orët e fundit nëpër rrugë dhe nga postblloqet e ngritura, është ndaluar 1 automjet, ku është marrë leja e drejtimit, si dhe janë gjobitur 5 këmbësorë. Ndryshe, pas orë 13:00 situata në qytetin e Kukësit ndryshon krejtësisht ku banorët mbyllen në shtëpi.
Gjate ditës së sotme në qytetin e Lezhës ka pasur lëvizje të shtuar të qytetarëve, madje edhe të personave të moshuar. Kryesisht në banka janë venë re grumbullime dhe njerëz që prisnin në radhë për shërbime, duke mos ruajtur as distancën mes njëri-tjetrit. Shumë prej qytetarëve në Lezhë lëvizin edhe pa autorizim, ndërsa policia është treguar tolerante në këtë drejtim duke mos i ndëshkuar, por më shume i ka këshilluar. Shumë qytetarë u janë drejtuar bankave për hapjen e llogarive, për të përfituar nga paga e luftës, të gjithë ata që nuk kanë qenë në punë pasi bizneset janë mbyllur me urdhër të Ministrisë së Shëndetësisë.
Qytetarët janë dyndur në radhë përpara postës shqiptare në qytetin e Durrësit. Pa asnjë distancë mes njëri-tjetrit dhe pa maska, ata qëndrojnë në radhë për të marrë shërbimet.
Ndërkohë ndryshe është paraqitur situata tek tregu qendror i fruta perimeve, ku nuk ka pasur një numër të madh qytetarësh.
Me biçikleta, me makina dhe në këmbë...Qytetarët vlonjatë e kanë konsideruar ditë pushimi këtë të premte dhe kanë zgjedhur të shijojnë edhe motin me diell. Asgjë nuk të lë përshtypjen se ndodhemi në situatë emergjence nga COVID-19, dhe se shtëpitë duhet t'i lëmë vetëm me autorizim të një familjari për një arsye të justifikuar si për të blerë ushqime apo ilaçe. E njëjta ka qenë situata në dy ditët e fundit në Vlorë.
Në qytetin e Beratit qytetarët nuk janë ndërgjegjësuar në respektimin e distancimit social, si e vetmja mënyrë për të ruajtur veten nga infektimi me koronavirus.
Kjo është panorama që ofron sot qyteti me radhë të gjata në banka, pa mbajtur distancë nga njëri-tjetri dhe pa mjete mbrojtëse.
Në Lushnje jo shumë qytetarë dalin nga shtëpia. Rrugët janë thuajse të boshatisura, ndërsa më shumë persona ka në tregun e fruta perimeve.
Nga ana tjetër vijon dezinfektimi i rrugëve dhe ambienteve publike.
Policia dhe ushtria vijojnë patrullimet në hyrje-daljet e Lushnjes dhe në brendësi të lagjeve për të ndaluar lëvizjet e pa nevojshme.
Në qytetin e Fierit gjithçka i ngjan një dite të zakonshme dhe aspak një shtetrrethimi vendosur si masë parandaluese për përhapjen e COVID-19. Nga një vëzhgim i gazetarit të Report Tv, Kristaq Thano, qytetarët ende nuk respektojnë distancimin social, duke qëndruar larg njëri-tjetrit dhe me masa mbrojtëse si maska e doreza.
Grumbullimet më të mëdha me njerëz janë në tregjet e fruta perimeve, megjithatë radhë pa distancë krijohen edhe në banka.
Edhe qarkullimi i automjeteve ofron panoramën e një dite normale, ndërsa shihet se në rrugë qytetarët lëvizin pa mjete mbrojtëse.
Radhet ne banka
Lajme të tjera
-
Kukës/ Policia në terren: Ka prezencë bore në të gjitha akset rrugore, 2 segmente vështirësi në qarkullim! Mbahet e hapur ‘Rruga e Kombit’
23 Dhjetor, 15:49 -
Sfidat e kthimit në Shqipëri për të investuar! Historia e çiftit që u kthye në fshatin e lindjes, në Gjegjan të Kukësit
22 Dhjetor, 22:51 -
K’cimi i Tropojës në UNESCO, ‘rojtarët’ e traditës për Report Tv: Emocion i madh! Koreografi: Vallet tona epike luftarake
21 Dhjetor, 08:25
-
Kukës/ Me drogë dhe armë të ftohta në makinë, arrestohen 2 të rinjtë!
20 Dhjetor, 11:02 -
Kukës/ Po kontrabandonin nëpërmjet Morinës lëndë piroteknike për tregun shqiptar, arrestohen 2 të rinjtë në kufi (VIDEO)
16 Dhjetor, 14:06 -
‘Njeri pa njeri, më ndihmoni për strehim!’ Apeli therës i të moshuarit, Ahmet Micaj në Kukës: Rritur jetim pa nënë e baba, s’munda të krijoj familje
14 Dhjetor, 14:48
-
Punëtorët e pastrimit në Kukës marrin pagën me 5 mijë lek minus! Kryetari i bashkisë për Report TV: Bëmë llogaritë gabim!
13 Dhjetor, 09:31
-
Dhjetori i festave, Kukësi nën magjinë e dritave shumëngjyrëshe (VIDEO)
12 Dhjetor, 19:02 -
Kukës/ Tentuan të fusnin në Shqipëri 21 mijë franga zvicerane të padeklaruara, nën hetim 2 persona nga Kosova
11 Dhjetor, 12:47 -
Fierza del nga pika kritike, rritet niveli i ujit me 3 metra! Lumenjtë sjellin mbetje të shumta në liqen
9 Dhjetor, 15:37
-
Pamje spektakolare! Bora zbardh luginën e Valbonës, vizitorë të shumtë edhe nga Kosova: Problem energjia për bizneset, të zhvillohet zona (VIDEO)
8 Dhjetor, 15:04
-
Eduard Zaloshnja: 48.1% e shtetasve shqiptarë nuk banojnë në Shqipëri
6 Dhjetor, 15:48
