TIRANË- Përkujtohet sot 22 vjetori i vrasjes së udhëheqësit të protestave anti-komuniste Azem Hajdarit.
Vrasja e bujshme e njeriut që kryesoi lëvizjen studentore të dhjetorit të vitit 1990 ka ngjallur debate vazhdimisht në arenën politike, e ndërsa ka të arrestuar, cilësohet ende si një krim i pazbardhur. Protestat studentore që Hajdari udhëhoqi sollën rrëzimin e diktaturës dhe i hapën rrugë vendosjes së sistemit pluralist dhe themelimit të Partisë Demokratike.
Personalitete politike do të vendosin ashtu si çdo vit lule pranë bustit të tij. Hajdari ka qenë deputet i Kuvendit shqiptar dhe kryetar i Komisionit Parlamentar të Mbrojtjes. Më 2 tetor 1998, Hajdarin e nderuan pas vdekjes me titullin "Qytetar Nderi" dhe më 2007 u dekorua me Dekoratën "Gjergj Kastriot Skënderbeu".
Kreu i Forumit Rinor të Partisë Demokratike, Belind Këlliçi ka marrë pjesë në homazhet e zhvilluara në nder të Azem Hajdarit. Ai thotë se ai mbetet burim frymëzimi i çdo të riu për kurajën dhe qëndresën e tij në përballje për liri dhe demokraci.
"Si çdo 12 Shtator, sot është dita kur çdo shqiptar, e veçanërisht të rinjtë, përkulen me respekt e mirënjohje ndaj veprës së Azem Hajdarit. Azemi mbetet burim frymëzimi i çdo të riu për kurajën dhe qëndresën e tij në përballje për liri dhe demokraci. Sot është koha që misionin e tij, Shqipërinë si Europa, ta bëjmë ne realitet. Nderim përjetë heroit të demokracisë Azem Hajdari!", shkruan
22 vjetorin e vrasjes së Azem Hajdarit e ka përkujtuar edhe ish kryeparlamentarja Jozefina Topalli, e cila ka qenë pjesë e protestave studentore dhe bashkëthemeluese e Partisë Demokratike krah tij.
Por Topalli ka shmangur fjalimet prekëse dhe në përkujtimin e Azem Hajdarit ka zgjedhur të thumbojë opozitën aktuale.
Me anë të një fotoje ku shfaqet krah udhëheqësit të protestave studentore dhe liderit demokrat në ato vite Sali Berishës, Topalli shprehet se ata përbënin opozitën e vërtëtë dhe se sot nuk ka opozitë.
22 vjet pas vdekjes, sakrificën e Azem Hajdarit e nderoi edhe presidenti Ilir Meta. Ai ka zgjedhur që të përcjellë edhe mesazhe aktuale.
“Vepra e Azem Hajdarit frymëzon në çdo kohë! Nderimi më i madh për Liderin e Lëvizjes Studentore që përmbysi regjimin më totalitar të kontinentit dhe për mijëra shqiptarë të sakrifikuar në emër të lirisë dhe demokracisë është të realizojmë ëndrrën për një Shqipëri plotësisht europiane. Shqipëria si gjithë Europa" edhe më aktuale pas 30 vitesh. O tani o kurrë", shkruan Meta.
Kryedemokrati Lulzim Basha ka zhvilluar homazhet për 22 vjetorin e vrasjes së udhëheqësit të protestave anti-komuniste Azem Hajdarit këtë të shtunë (12 shtator).
Ai ishte mëngjesin e sotëm në memorialin e Azem Hajdarit pranë qendrës ku i dërgoi një kurorë me lule.
Më pas një një postim në Facebook, Bashka shkruan se Azem Hajdari është simbol i demokracisë dhe shembull frymëzimi për të rinjtë.
Postimi i plotë në Facebook:
"E sotmja është po ashtu një thirrje për rininë që të mos shohin ikjen si zgjidhje, por përballjen dhe fitoren, ashtu siç bëri Azem Hajdari në dhjetorin e 1990 e në vitet që pasuan.
Vepra e Azem Hajdarit është dëshmia e qartë se askush dhe asgjë nuk mund ta ndalë dëshirën, energjinë dhe vendosmërinë e rinisë por edhe të popullit shqiptar për ndryshim. Ndaj është koha që me frymëzimin e Azemit dhe bashkëluftëtarëve të tij të viteve '90, të hapim rrugën e lirisë, demokracisë, mundësive të barabarta, Shqipërisë si gjithë Europa.
I përjetshëm qoftë kujtimi i heroit të demokracisë, simbolit të luftës dhe përpjekjeve për ta bërë Shqipërinë një vend më të mirë" - shkruan Basha.
Si vajza, e vogla e tij, Rudina Hajdari ka përkujtuar sot babanë e saj, i cili 22 vite më parë u vra në një atentat. Me fjalët e ndjera si çdo fëmijë do i shkruante për babanë, por edhe premtimin se do ndjekë rrugën e tij në politkë, Hajdari e ka përkujtuar Azemin, ose siç ajo e quan "njeriu që kurrë nuk e tregtoi lirinë".
"Babi, 22 vite pa ty pranë fizikisht jane shumë. Por ti je me mua përditë. Je me mua kur zgjohem dhe shpesh e ndiej sikur me thua si dikur pasuria e gjithë botës është në duart e tua kur je njeri i lirë dhe i ndershëm. Je me mua kur luftoj, e ndiej fuqinë tënde që më motivon dhe më shtyn të fitoj. Je me mua kur takoj mijëra shqiptarë të cilët ende sot mbas 22 vitesh të kujtojnë sikur të kishin takuar dje. Je me mua kur më jep forcën të ndjek rrugën tënde. Rrugën e drejtësisë, rrugën e lirisë, rrugën e jerëzve të lirë. Më ka marrë malli, por të ndiej përditë, sepse mundohem të eci në hapat e tua. Në hapat e një njeriu që kurrë nuk e tregtoi lirinë. Do eci, ta premtoj", shkruan Hajdari.
Komente
Lajme të tjera
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
-
Buxheti 2025/ PD propozon 28 Amendamente: Minimumi jetik 200 euro, rritje e pensioneve dhe shtim i fondeve te Onkologjiku (E PLOTË)
21 Nëntor, 15:55 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02 -
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25
O Kellic me ke u perball Azemi .Ilini budallalleqet Azemi ishte nje rugac qe ne shqiperi quhet hero. Socializmit i kishin rene breket ne fund te kembeve.Ramizi u thoshte vet rezoeni ,tani keta thone e rezuam.Keto jane trillime te komunistit fanatik antikomunist Sali B erisha.Lexo LES VALESEN se kush e rezoi socializmin
PërgjigjuO Meta o hajdut o sot o kurre per te mste brisqe se helbete keshi na eshte rrit gjate veres si mustaqe misri na eshte bere
PërgjigjuNuk e di nga ke ngjar, po ke marr nga Azemi do behesh trim budalla, po ke marre nga Mami do behesh hajdute e shemtuar...prandaj kujdes ruaju e zgjidh mirë se populli shqiptar nuk është budalla..
PërgjigjuDo ecish ne hapat e hajdutit te pulave,rrehanit e spiunit,ashtu si ka ecur mami jot pike per pike! Te besoj plotesisht se dhe ti ke per te ndjekur me fanatizem rrugen e tyre (pra rrugen e m....tit)
Përgjigju