Grupimi i Gazment Bardhit dhe Sali Berishës e kishte përgatitur që në mbledhjen e përbashkët të dy ditëve më parë planin për përmbysjen e Kuvendit duke thyer karriget e kabinetit qeveritar, e duke bllokuar portat hyrëse kolegëve socialist, me qëllim bllokimin e seancës.

Albana Vokshi një prej 23 deputetëve të opozitës të përjashtuar nga Kuvendi pas kaosit të krijuar, e ftuar në emisionin “Kontrast” në Report Tv me Denis Mingën dhe Lorenc Vangjelin, u shpreh se qëllimi i planit ishte të mos lejonin zhvillimin e seancës dhe ia dolën. 

“E kishim në plan që do e bllokonim seancën. Sot zgjodhën këtë mënyrë për ta bllokuar. Ishte pjesë e diskutimit që bëmë në mbledhjen e grupit parlamentar. Rrahëm diskutimet dhe zgjodhëm që një mënyrë bllokimi jo e dhunshme ishte pjesa ku drejtohet seanca. Te Felaj dhe ministrat. U munduam që të pamundësojmë drejtimin e seancës parlamentare të sotme dhe ia dolëm. Kjo ishte një protestë e drejtimeve të mazhorancës, sidomos e seancës së kaluar, e rezolutës së Kosovës.

Në vend që t'i linte hapësirë një lajmi të rëndësishëm, me hile në shkelje të rregullores së Kuvendit, futën në rend dite kërkesat tona që u rrëzuan. Opozita ka disa hapësira parashikuar në Kushtetutë, ka disa instrumente të parashikuara në Kushtetutë.  Disa prej instumentave janë shkresat kërkesat për informacion, kërkon informacion për çështje të rëndësishme. Refuzohem ose nuk përgjigjen fare në mënyrë arrogante dhe kampion mban Veliaj dhe Balluku që as nuk denjojnë të të përgjigjen. Nuk japin përgjigje me shkresa në shkelje të kushtetutës dhe të rregullores. Kërkohen dëgjesa në komisione. Kam kërkuar 5 dëgjesa në komisionin për shëndetësinë. Kam kërkuar dëgjesë me ministren Ogerta Manastirliu. U rrëzuan me votë”, tha ajo.

Me një plan ideuar më parë për të dhunuar deputetët e opozitës kishin shkatërruar sallën, ku karriget e deputetëve ishin mbi tavolina, të tjera të rrëzuara. Demokratët bllokuan edhe hyrjen e deputetëve të PS e më pas në vendet ku ulet Kryetarja e Kuvendit, ato të Kabinetit qeveritar dhe pas portave hyrëse ishin vendosur karrige. Përballë kësaj situate, Partia Socialiste kërkoi përjashtimin me 10 ditë nga Kuvendi të 26 deputetëve që krijuan kaosin por Sekretariati për Procedurat, Votimet dhe Etikën vendosi përjashtimin e 23 deputetëve demokratë. Vendimi erdhi pasi sekretariati ka parë pamjet e kamerave të brendshme të sallën së seancave.

Me përjashtimin e saj të dhe 22 kolegëve të tjerë, Vokshi thotë se qytetarët mbetën të papërfaqësuar.

"Me përjashtimin e 23 deputetëve që i bie afërsisht 300 mijë qytetarë që nuk përfaqësohen dot." 

Rendit zhvillimet sipas orarit:
Ora 20:17
Paralajmëron Vangjeli: Opozita mund të shkojë edhe në grevë urie

Dhuna dhe kaosi që opozita ushtroi sot ndaj parlamentit me skenar të parapërgatitur, sipas analistit Lorenc Vangjeli do të përshkallëzohet në një të ardhme të afërt në grevë urie.

Nga studioja e “Kontrast” në Report Tv Vangjeli tha se opozita do të përfundojë në grevë urie në sallën e parlamentit.

“Mos u merrni me ngjyrën e bishtit të kalit e njollat e tij si ata kuajt indianë por të kapni thelbin e problemit. Ky vend më shumë se rrëmuje e radikalishzi e oshilacioni i humorit tuja ka nevojë për një reformë të thellë kushtetuese. Një komision për hartimin e kushtetuës.

Radikalizëm unë quaj dhe atë që do bëni pas 10 vitesh. Ju do përsërisni të njëjtat skena në parlament por me ndryshim nga ajo e sotmja, pa dalë më nga salla dhe duke kërcënuar me grevë urie. Ja pra po ua them unë ju do të qëndroni aty dhe do të filloni një grevë urie njëlloj si Ilir Meta në 2008 kur talleshit atëherë”, tha Vangjeli në Report TV

B.K/Shqiptarja.com