Lajme nga emisionet

Programi për 3 mijë familje shihet si një hap pozitiv, por ekspertët paralajmërojnë se pa rritur ofertën e apartamenteve me qira, efekti do të jetë i kufizuar.

Për juristin Kreshnik Spahiu, është e paprecedentë në çdo vend të botës demokratike që një kryebashkiak në detyrë me vendim të Gjykatës Kushtetuese dhe një ish-President të qëndrojnë në qeli, teksa hetimi ndaj tyre vijon.

Për ish-drejtuesin e lartë të Policisë, Shemsi Prençi, kryebashkiaku Veliaj duhet të hetohej në një masë më të lehtë sigurie sesa ajo e arrestit me burg. Ndërkohë avokati Duraj tha se avokatët ndërkombëtarë të Veliajt kanë evidentuar një sërë shkeljesh ndaj të drejtave të kryebashkiakut, të cilat do të shqyrtohen nga Strasburgu.

Për juristin Kreshnik Spahiu, përplasja e ditëve të fundit mes Qeverisë dhe magjistratëve, ul reputacionin e institucioneve shqiptare. Ai propozoi që të dyja palët të bënin nga një hap pas dhe t'i jepnin fund sa më parë debatit për pagat.

Ish-prokurori Beci tha se magjistratët nuk janë nëpunës të thjeshtë civilë dhe sipas tij kërkesa e tyre për rritje pagash është e drejtë. Ndërsa për avokatin Petraj, rritja e pagave të gjyqtarëve e prokurorëve, është e bazuar në piramidën shtetërore të pagave.

Lideri i PD ka fyer vazhdimisht SHBA-të dhe po bën thirrje kundër figurave politike amerikane dhe kjo do t’i kthehet në një lloj ‘bumerangu', thotë analisti Bujar Nallbani. Ish kreu i PD në Librazhd, Bujar Vreto, i komenton veprimet e Berishës gjatë kësaj vizite si “militantizëm.”

Bujar Nallbani shprehet se punët publike të kryeqytetit nuk presin, ndërsa burgosjen e Veliajt e sheh si një veprim të ndërmarrë për “inate personale.” Ndërsa sipas Bujar Vretos, mbajtja në qeli e kryebashkiakut duhet të ishte zgjidhur tashmë me një vendim gjykate e të mos pengohej drejtimi i qytetit.

Avokati Vishaj tha se në momentin që mbi Ballukun do të ngrihet një akuzë e re për ‘pjesëmarrje në grup të strukturuar kriminal’, mazhoranca nuk do e pengojë dot heqjen e imunitetit të saj dhe ish-zv.kryeministrja do të përfundojë pas hekurave.

Deputetja Iris Luarasi përgënjeshtroi lajmet në disa media dhe tha se ishte e gatshme të dorëzonte mandatin e ligjvënëses, nëse figuron se ka bërë denoncim në polici ndaj një protestueseje që e rrethoi brenda qendrës tregtare teksa po shkonte në Parlament. Por përndjekjen ndaj saj, ajo e krahasoi me metodat e dënimeve pa gjyq të kohës së komunizmit.

Për Belinda Balluku telashet nuk kanë të sosur. Në një lidhje të drejtpërdrejtë në ‘Sot Live në Shqipëri’, avokati Arbër Hoxha tha se ekziston mundësia që Prokuroria e Posaçme mund të kërkojë pranë Kuvendit e një masë të re sigurimi.

Analistja Afërdita Maliqi në një lidhje të drejtëpërdrejtë në ‘Sot Live në Shqipëri’, tha se LVV është partia e parë që nuk respekton Kushtetuesen.

Juristja Alesia Balliu i kërkoi SPAK dhe institucioneve të tjera të drejtësisë që të përshpejtojë hetimet për dosjen 'Balluku', por edhe për dosjet e tjera të politikanëve të dyshuar si të korruptuar. Ndërsa avokati Beqiri i cilësoi aventurizma thirrjet për arrestimin e Ballukut, teksa shtoi se Balluku nuk ka asnjë lidhje me tenderat.

Me 43 mijë vende pune të paplotësuara në vetëm gjashtë muaj, eksperti i ekonomisë Ergis Sefa thotë se tregu shqiptar i punës po përballet me pasojat e politikave të ndjekura ndër vite në arsim.

Sipas Kushtetueses, masa e arrestit në burg për kryetarin e zgjedhur me votë të Tiranës, është jo proporcionale dhe respektimi i këtij vendimi, 'do ta çlironte' Tiranën, argumenton Halit Valteri. 

Pasi këshilltari i PS në bashkinë e Tiranës, Halit Valteri, foli rreth protestave kundër qeverisë dhe fitores së qeverisë Rama për sa kohë përballë kanë “marioneta” dhe jo opozitë, Senada Mehmeti tha se dalin dhe mbrojnë skandalet publike.

Teksa e cilësoi Shqipërinë një ‘Republikë anti-ligj’, Mehmeti tha se ata që paguhen për kontrollin e karburanteve, duhet të bëjnë detyrën dhe jo të bëhen palë me ata që tregtojnë karburante jashtë standardit.