Është rritur numri i viktimave nga COVID në 24 orët e fundit në Kosovë. 23 persona kanë humbur jetën si pasojë e infektimit me Covid-19. Një ditë më parë u shënuan 14 viktima.
Gjatë orëve të fundit nga 8.270 testime, janë regjistruar edhe 424 raste të reja pozitive me virus. Kështu ka bërë të ditur Ministria e Shëndetësisë në raportin 24 orësh.
Sipas njoftimit të MSH-së në 24 orët e fundit janë shëruar 1324 qytetarë, ndërsa numri i përgjithshëm i të shëruarve është 136.582. Në total numri i rasteve aktive është 17.625. Në 24 orët e fundit janë dhënë 18.214 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.033.952 doza të vaksinës. Deri më sot 357.197 qytetarë janë vaksinuar me dozën e dytë.
Në një kohë kur Kosova vijon të përballet me shifra të larta të vdekjeve dhe rasteve të reja me Covid-19, autoritetet kanë ndërmarrë masa të reja, me mbylljen e çerdheve dhe kriterin e paraqites së certifikatës së vaksinimit për t’u futur në qendra tregtare.
Sipas vendimit të sotëm të Qeverisë nga kufizimi i lëvizjes përjashtohen rastet e natyrës urgjente, qarkullimi për personelin shëndetësor, të sigurisë dhe operatorët që kryejnë punë apo shërbime publike
Qeveria e Kosovës ka miratuar këtë të diel, masat e reja anti-COVID. Ajo ka marrë vendimin që për dy javë të mbyllen të gjitha çerdhet në vend. Ndërkohë që është shtyrë deri në 26 shtator nisja e procesit mësimor.
“Aktiviteti mësimor në institucionet publike dhe private të arsimit parauniversitar, duke përfshirë edhe institucionet e arsimit parashkollor dhe të qëndrimit ditor pezullohet deri më datë 26 shtator 2021. Ky pezullim vlen edhe për aktivitetin mësimor me prezencë fizike në institucionet publike dhe private të arsimit universitar“, thuhet në masat e reja që u diskutuan në mbledhjen e sotme të Qeverisë.
Kufizimi i qarkullimit të qytetarëve vazhdon të jetë nga ora 22:00 deri në ora 05:00.
Shërbimet e gastronomisë lejohen të zhvillojnë aktivitetin e tyre në përputhje me udhëzuesin përkatës.
Më tej në vendim thuhet se të gjithë ata persona që hyjnë në territorin e Kosovës duhet të posedojnë një nga dëshmitë e mëposhtme: Certifikatën e vaksinimit për vaksinimin e plotë ose marrjen e një dozë të vaksinës kundër COVID-19; Testi RT-PCR negativ për COVID-19, jo më i vjetër se 72 orë; Dëshmi se personi ka kaluar COVID-19 (test RT-PCR pozitiv i lëshuar jo më pak se 21 ditë dhe jo më shumë se 180 ditë ose rezultat pozitiv i testit të antitrupave serologjik –IgG, i lëshuar më së shumti para 30 ditëve, ose Test i shpejtë antigjen negativ jo më i vjetër se 48 orë.
Masat në fuqi për udhëtarët që duan të hyjnë në Kosovë:
2.1 Certifikatën e vaksinimit për vaksinimin e plotë ose marrjen e një dozë të vaksinës kundër COVID-19;
2.2 Testi RT-PCR negativ për COVID-19, jo më i vjetër se 72 orë;
2.3 Dëshmi se personi ka kaluar COVID-19 (test RT-PCR pozitiv i lëshuar jo më pak
se 21 ditë dhe jo më shumë se 180 ditë ose rezultat pozitiv i testit të antitrupave
serologjik –IgG, i lëshuar më së shumti para 30 ditëve;
2.4 Test i shpejtë antigjen negativ jo më i vjetër se 48 orë.
3. Shtetasit e Republikës së Kosovës, si dhe personat me leje qëndrimi të përkohshëm ose të
përhershëm në Kosovës, të cilët hyjnë në Republikën e Kosovës, në rast se nuk posedojnë
një nga dëshmitë sipas pikës 2.1 deri 2.4, duhet të vetë-izolohen për 7 ditë. Këta persona
duhet të plotësojnë deklaratën nën betim për vetë-izolim në pikën kufitare përkatëse.
4. Nga kërkesa për të poseduar ndonjërën nga dëshmitë sipas pikës 2.1 deri 2.4 , lirohen:
4.1 Personat të cilët hyjnë në Kosovë përmes aeroportit apo përmes pikave kufitare
tokësore dhe largohen nga Kosova brenda tre (3) orësh përmes aeroportit ose
pikave kufitare tokësore, me kusht që në hyrje të nënshkruaj deklaratën se do ta
lëshojë Kosovën brenda tre (3) orësh;
4.2 Personat, të cilët punojnë si transportues profesionist (vozitës), me kusht që të
respektojnë protokollin për transport ndërkombëtarë për mbrojtje nga COVID19;
4.3 Shtetasit e Republikës së Kosovës që kanë dalë jashtë Kosovës në 12 orët e fundit;
4.4 Qytetarët e huaj, të cilët kalojnë nëpër Kosovë përmes transportit të organizuar
me autobus ose me linjë të rregullt ndërkombëtare, transit, me kusht që të
nënshkruhet deklarata se do ta lëshojnë territorin e Kosovës brenda pesë (5)
orësh;
4.5 Diplomatët e huaj, të akredituar në Kosovë;
4.6 Personat nën moshën gjashtëmbëdhjetë (16) vjeçare.
Komente
Lajme të tjera
-
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09 -
Kosovë-Shqipëri përmbyllin edicionin e tretë të Javëve Kulturore Ndërkombëtare! Zbuloni aktivitetet që do të organizohen nga data 21 deri më 30 Nëntor
20 Nëntor, 19:06 -
Thirrjet 'Serbi, Serbi', Armando Duka del kundër Kosovës: Gabuan që bojkotuan ndeshjen
20 Nëntor, 12:58 -
Kimete Berisha: Me Mickovskin kundër gjuhës shqipe
20 Nëntor, 11:20
-
Osmani i kthen dy ligje Kurtit, presidentja kërkon rishqyrtim për Këshillin e Sigurisë dhe mbrojtjen e konsumatorit
20 Nëntor, 09:42 -
Policia konfiskon armatim në veri, dyshon për lidhje me rastin Banjska
19 Nëntor, 15:54
Albin revolucionari, Alin superatdhetari, Albin vizionari... e mban mend kur refuzove oferten e Edi Rames per vaksinim te stafit mjekesor menjehere sapo Shqiperia bleu sasi te medha te vaksines kineze nga Turqia? E njohim te gjithe inatin qe ke ndaj Edi Rames, por duhet thene se ishte qendrim vrastar te refuzosh nje ndihme e cila ishte politikisht e pakushtezuar (se oferten nuk po ta bente Beogradi apo Moska, por Tirana) dhe qe shpeton jete njerezish. Preteksti se ligji i Kosoves nuk lejon vaksina qe nuk jane te certifikuara nga BE ishte skandaloz sepse ligjin mund ta ndryshonit shume lehte. Ngele duke bere retorik gjeopolitike dhe demagogji per iniciativat rajonale, nderkohe qe aftesia e menaxhimit te pandemise ne Kosove eshte tashme nje deshtim i permasave te frikshme. Eshte nje fatkeqesi e madhe qe demaskimi i Kurtit si udheheqesi me i mire i mundshem ne Kosove te behej me nje kosto kaq te lart ne jete njerezish.
Përgjigju