POP 5

Lajmet më të lexuara të 5 minutave të fundit

Politikë

23 vjetori i PD, Berisha
ftesë për protesta

Sali Berisha ftoj dje demokratët që të bashkohën për të rrëzuar qeverinë. Në një postim që ish-kryeministri bëri në faqen e tij në rrjetin social “facebook” përsëriti kërkesën e tij për të rrëzuar qeverinë.
23 vjetori i PD, Berisha<br />ftesë për protesta
TIRANE- Sali Berisha ftoj dje demokratët që të bashkohën për të rrëzuar qeverinë. Në një postim që ish-kryeministri bëri në faqen e tij në rrjetin social “facebook” përsëriti kërkesën e tij për të rrëzuar qeverinë. Në këtë postim Berisha kujton disa nga momentet e themelimit të Partisë Demokratike e cila mundësoi rrëzimin e qeverisë diktakoriale në Shqipëri duke akzuar njëkohësisht mazhorancën qeverisëse si pasardhëse e Partisë Komuniste. Për rrejedhojë ai kërkoi që të përsëriten protestat e dhjetorit të vitit 1990 në mënyrë që qeveria aktuale të rrëzohet si atëherë. Sipas tij, 23-vjetori i themelimit i fton demokratët që të ngrihen fuqishëm për të rrëzuar atë që ai e quan regjim te neobllokmenëve.

“Një grup studentësh me në krye liderin e lëvizjes studentore Azem Hajdari, intelektualë dhe punonjës të Tiranës, themeluan më 11 dhjetor të vitit 1990 Partinë e parë opozitare të vërtetë në historinë e Shqipërisë. Partia Demokratike u themelua si parti e lirive dhe të drejtave njerëzore, tregut të lirë, interesit kombëtar dhe integrimit euroatlantik dhe europian të Shqipërisë. Në 23 vite ajo ja doli të përmbysë me votën e lirë diktaturën hoxhiste, të garantojë liritë dhe të drejtat njerëzore, të ndërtojë në Shqipëri ekonominë e tregut të lirë, e cila është nga më të paktat që i rezistoi krizës.

Partia Demokratike mbrojti me vendosmëri çështjen kombëtare, sot Kosova është e lirë dhe e pavarur dhe shqiptarët jetojnë të lirë kudo që janë. PD në këto vite u dëshmua lokomotivë e integrimit. Ajo anëtarësoi Shqipërinë në KE, në NATO, garantoi lëvizjen e lirë dhe mori dy vite me radhë rekomandimin për statusin e vendit kandidat, të cilin e bllokoi dhe po e bllokon Edi Rama. Ky 23 vjetor fton demokratët të ngrihen fuqishëm kundër regjimit të neobllokmenëve që po zëvendësojnë shtetin ligjor me shtetin policor dhe sistemin demokratik me sistemin kleptokratik. Gëzuar ditën e themelimit të PD dhe pluralizmit politik në Shqipëri! Nder përjetë atyre që themeluan PD! Gëzuar”, shkruan Berisha në postimin e tij në “facebook”. Kjo është hera e dytë në pak dit që ish-kryeministri kërkon rrëzimin e qeverisë me protesta pasi pak dit më parë bëri të njëjtën kërkesë por duke marrë shkas nga protestat e ndodhura në Ukranië.

Shkrimi u publikua sot (12.12.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04