24 vjet PD, Berisha: Gëzuar 24-vjetorin
e pluralizmit politik në Shqipëri

TIRANE- Lideri historik i Partisë Demokratike ka uruar sot 24-vjetorin e themelimit të kësaj force politike. Nëpërmjet një postimi në rrjetin social “Facebook”, Berisha shkruan se PD është partia politike e cila përmbysi “diktaturën më të egër në Europë”. Ish-kreu i PD-së, pranon se në vitin 1997 kjo forcë politike njohu gabimin e lejimit të skemave piramidale, ndërsa thekson se 24 vite më parë Partia Demokratike solli pluralizmin politike në Shqipëri.

Urimi i plotë i Sali Berishës për 24-vjetorin e PD


 
“PD eshte partia qe permbysi diktaturen me te eger ne Europe, e cila kishte vendosur ne Shqiperi shtypjen me mizore, izolimin me te thelle, varferine me ekstreme. Vetem 204 dollare ishin ne vitin 92 te ardhurat per fryme te shqiptareve. Me permbysjen e diktatures komuniste PD hapi dyert e lirise per shqiptaret. Qe ne javen e pare te themelimit te saj PD shpalli para shqiptareve dhe botes interesin kombetar dhe çeshtjen kombetare, deri atehere te tradhetuara nga klika hoxhiste si yllin e saj polar. Ajo me vendosmeri shmangu gjakderdhjen dhe konfliktin e brendshem dhe me 22 Mars te vitit 1992 permbysi me vote plebishitare diktaturen hoxhiste ne Shqiperi. Partia Demokratike ne pushtet garantoi dhe konsolidoi lirite dhe te drejtat themelore te shqiptareve, nxorri Shqiperine nga izolimi me i thelle, e lidhi ne miqesi me SHBA dhe vendet e lira. PD qe ne javet e para te themelimit te saj dhe vitet ne vazhdim punoi se bashku me forcat politike shqiptare ne Kosove, Maqedoni e Mal te Zi me perkushtim te palkundur per ceshtjen shqiptare. Ajo nderkombetarizoi ne kancelarite me te medha te botes, ne forume nderkombetare, ne samite te OSBE dhe OKB, çeshtjen e Kosoves dhe arriti te konfirmoje ne rezoluta, te votuara me 2/3 ne OKB, te drejten e qytetareve te Kosoves per vetevendosje.


 
PD anetaresoi Shqiperine ne Keshillin e Europes. PD hodhi themelet e ekonomise se tregut dhe te demokracise, liberalizoi dhe privatizoi ekonomine, beri 220 mije familje shqiptare, pronare te apartamenteve te tyre dhe mbi 460 mije familje ne fshat pronare te fermave te tyre. Ne harkun kohor 1992 - 1996, ne saje te reformave te thella te gjithaneshme, terapise se shokut, privatizimit, liberalizimit te ekonomise, kursit te kembimit te lekut te ardhurat per fryme u rriten nga 204 $ ne 820 $ dhe 80% e prodhimit te brendshem vinte nga sektori privat ne vendin e hiperkolektivizmit total”, shkruan Berisha.


*Foto të postuara nga Sali Berisha në Facebook
 
Redaksia Online
(e.s/shqiptarja.com)

TAG:
• OSBE