Për herë të parë në Shqipëri prezantohen në sheshin “Skënderbej” 240 vepra të piktorëve më të famshëm botërorë.
Veprat e Van Gogh, Monet, Goya, Cezanne, Renoir, Da Vinci, Vermeer, Rembrand, Botticelli, Bosch apo Seurat projektohen në pesë ekrane me një sipërfaqe mbi 400 metra katror.
Projeksioni i variantit 3D mapping, zëri i fundit i teknologjisë sjell veprat e Muzeut të Luvrit të D’orsay-t në qendër të Tiranës.
Sipas, drejtueses dhe organizatores së VAG (Visual Art Gallery), pikturat janë të përpunuara grafikisht, duke bërë që objektet brenda veprës të jenë në lëvizje.
Iniciativa e Gent Prizrenit, Agim Poçarit dhe Raelva Shabanajt vjen e mirëmenduar, në këto momente vështirësie ku gjendet arti për shkak të protokolleve që kërkojnë distancim social, si një ilaç kundër pandemisë
Galeria është në qiell të hapur, pas datave 4-5-6, sonte 7 gusht është mbrëmja e fundit, në orën 21.00 tek “Sheshi Skënderbej”.
