TIRANË- Lulzim Basha nuk e ka finalizuar programin që do t’i prezantojë elektoratit të tij, por Lëvizja Socialiste për Integrim zbulon të hënën alternativën me të cilën do të shkojë para votuesve të 25 prillit. 

Nga ana tjetër në selinë blu grupet e punës po përmbyllin fashikujt e fundit të  programin politik. Megjithatë duket se nuk ka ndonjë surprizë. Në takimet elektorale Basha i ka zbuluar pikat kyçe ku do të orientohen demokratët.

Plani i PD-së
Taksë e sheshtë 9%
Krijim i një shtrese të mesme me të ardhura  mesatare 1000 euro për familje
Lehtësim i procedurave për bizneset dhe investitorëve vendas dhe të huaj
Biznesi i vogël taksë vetëm 0.5% të xhiros
Moratoriumi për inspektoratet dhe taksidarët
Subvencione të drejtpërdrejta fermerëve
Një fond i veçantë për infrastrukturën bujqësore
Anulim i ligjit të pronave,
Politika nxitëse dhe pagat e mjekëve dhe infermierëve.
Investime në spitale dhe qendra shëndetësore
Ulja e tarifave, treg pune për studentët

Nëse shqiptarët do t’i  besojnë Lulzim Bashës qeverisjen e vendit pas 25 prillit, kryeopozitari ka premtuar rishikim të koncesioneve dhe anulim të atyre korruptive nëpërmjet platformës anti-mafia.  Paratë që do të përfitohen nga anulimi i këtyre koncesioneve korruptive, sipas tij,  do të shkojnë për të hapur vende pune dhe për të mbështetur biznesin