25 prilli, Soreca: 50 ekipe të BE do monitorojnë qendrat e votimit dhe procesin e numërimit

Ambasadori i BE-së, Luigi Soreca ka zhvilluar ditën e  sotme një takim online më krerët e  misionit të BE në Shqipëri për të folur për përgatitjet e fundit për zgjedhjet e 25 prillit. Soreca tha se 50 ekipe nga BE do të monitorojnë zgjedhjet e 25 prillit si në qendrat e votimit dhe në procesin e numërimit.

"U takuan sërish sot krerët e Misioneve të Bashkimit Evropian në Shqipëri për të përfunduar përgatitjet për zgjedhjet e së Dielës  më 25 Prill. Trupi diplomatik i BE do të vendosë 50 ekipe vëzhguese në qendrat e votimit në të gjithë Shqipërinë, të cilët do të qëndrojnë aty gjatë procedurave të votimit dhe numërimit, në mbështetje të OSCE/ODIHR", shkruan Soreca.

Pas 4 ditësh Shqipëria zhvillon zgjedhjet parlamentare që do të përcaktojnë edhe qeverinë që do të drejtojë vendi për 4 vitet e ardhshme. Thirrjet e ndërkombëtarë kanë qenë të shpeshta ku thekson se presin një  proces zgjedhor transparent dhe zgjedhje të ndershme, pasi këto do të jenë edhe test për integrimin e vendit në BE.

TAG:
• BE
• Luigi Soreca
• zgjedhjet parlamentare 2021