Kanë kaluar 25 vjet nga djegia e shtëpisë muze të Lidhjes së Prizrenit dhe askush deri më sot nuk është dënuar për aktin e qëllimshëm e makabër ndaj trashëgimisë historike të kombit shqiptar.
Shtëpia muze në të cilën më 10 qershor të 1878-s u mblodh kuvendi që bashkoi katër Vilajetet e Shqipërisë, Shkodrën, Manastirin, Janinën dhe Kosovën u dogj nga policia dhe paramilitarët serb më 27 mars të vitit 1999, duke shatërruar edhe shtatoret e tre liderëve historikë të Lidhjes, Ymer Prizrenit, Abdyl Frashërit dhe Sylejman Vokshit, që kanë qenë të vendosura në oborrin e Kompleksit të LSHP-së.
Përgjegjësi i Kompleksit, Parim Kosova në korrik të vitit 2002, në Zyrën e Tribunalit të Hagës për Krime të Luftës në ish-Jugosllavi në Prishtinë, bëri padinë për djegien e Lidhjes së Prizrenit, por që deri tani sipas tij nuk është marrë parasysh.
“Pas një hulumtimi 3-vjecar kam mbledhur fakte, argumente një video dhe dëshmi dhe i kemi dorëzuar në Tribunalin e Hagës, në zyrën e Prishtinës por Haga nuk e ka nisur hetimin. Dua te theksoj se profesori i Universitetit të Harvardit, Ridel Mayer, që është marrë me shkatërrimin e trashëgimisë kulturore është ballafaquar me Millosheviçin në Hagë dhe i ka thënë se sulmet i keni bërë ju dhe më pas keni propaganduar sikur i ka bërë NATO”, tha ai.
Parim Kosova shprehet se kallëzimi penal është bërë ndaj 11 personave që dogjën dhe shkatërruan monumentin më të çmuar të shqiptarëve. Zyrës së Tribunalit të Hagës i është dorëzuar edhe një video kasetë në të cilën është incizuar largimi i gërmadhave të Muzeut me ekskavator, më 30 mars 1999.
“Kam bërë kallëzim penal ndaj 11 serbëve për djegien e muzeut por nuk ka nisur gjykimi, nuk e kanë marrë në konsideratë. Por tashmë shpresoj që shteti do të insistojë për të hapur këtë çështje. Ministria e Kulturës së Kosovës ka ngritur një komision hulumtues për dëmtimin e objekteve të kulturës, shpresoj që çështjes ti shkohet deri në fund”, u shpreh me tej.
Pas Luftës në Kosovë është rindërtuar Lidhjes së Prizrenit, ndërsa muzeu është pasuruar me dokumente të riprodhuara.
Lajme të tjera
-
BOKS/ Alban Beqiri dhe Besian Karaj kampion të Ballkanit për peshat 67 dhe 71 kg, fitojnë mes Serbisë
23 Nëntor, 15:57 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
BE-ja i kërkon Serbisë ta sqarojë pasivizimin e adresave të shqiptarëve në Luginë
21 Nëntor, 16:02 -
Serbi/ 11 të arrestuar, për shembjen e çatisë në stacionin e trenit në Novi Sad që vrau 15 persona
21 Nëntor, 13:56 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09 -
Kosovë-Shqipëri përmbyllin edicionin e tretë të Javëve Kulturore Ndërkombëtare! Zbuloni aktivitetet që do të organizohen nga data 21 deri më 30 Nëntor
20 Nëntor, 19:06 -
Thirrjet 'Serbi, Serbi', Armando Duka del kundër Kosovës: Gabuan që bojkotuan ndeshjen
20 Nëntor, 12:58
