Një 25 vjeçare që prej vitesh jetonte në Itali bashkë me bashkëshortin e saj ka humbur jetën teksa ecte në një nga rrugët kryesore të zonës së Crema-s.

Sipas medieve italiane, bëhet e ditur se, Besarta Beqiraj është goditur nga drejtuesi i automjetit dhe trupi i saj fillimisht ka rënë në xhamin e parëm të makinës e më pas ka përfunduar anash rrugës.

Ato shtojnë se, ndonëse e reja u dërguar për ndihmë mjekësore në spital nuk ka mundur që tiu shpëtojë plagëve të marra duke ndërruar jetë.

Menjëherë pas aksidentit, në vendin e ngjarjes kanë shkuar ekspertët, por ende nuk është bërë identifikimi dhe kapja e autorit të aksidentit.
 
Automjeti që shkaktoi aksidentin është e llojit Fiat Punto e vitit 2005 me ngjyrë të zezë.

Redaksia Online
(F.T/shqiptarja.com)