26-vjeçari i humbur në Bjeshkë, i afërmi: Ju përgjërohemi na ndihmon me dron ose helikopter ta kërkojmë! Mendojeni si djalë deputeti, jo një fukara

 

Vullnet Beluli, i afërm i 26-vjeçarit Meledin Adili nëpërmjet Report Tv ka bërë apel për ndihmë që të nisin kërkimet me dron, qen kufiri apo helikopter. Ai thotë se territori në Bjeshkë është shumë ië vështirë dhe kjo u vështirëson edhe kërkimet.

“Kemi filluar kërkimet që në orën 17. Moti ka qenë me vetëtima, ne u larguam se moti ishte shumë i keq, kemi nisur kërkimet në orën 4 të mëngjesit, pas 10 orëve kërkim nuk kemi gjetur gjë, duhet ndërhyrje ju lutem nga shtetit, ju lutem ju përgjërohem, se është një djalë i ri 26-vjeç, llogariteni sikur është fëmija e e një deputeti, edhe pse ne jemi fukarenj dhe dilnim dhe mbledhim boronica.

LEXO EDHE:
Kukës/ Festohet dita e Shën Gjergjit në Borje dhe fshatra të Gorës, i pranishëm dhe ambasadori bullgar

Sado ta njohësh rrugën, humbësh, ka shkëmbinj të mëdhenj, ka humnera, kemi kërkuar ndihmën e autoriteteve, deri tani kërkimet e policisë, në këtë zonë duhet të kërkojnë në bjeshkën e Brodit, Kazanet e Brodit, bjeshka është e pafundme. Ai ka numër telefoni, nuk i shkon zilja, si mund ta gjejnë me GPS, ai ka dalë për copë buke. Policia e Kosvës ka ndërhyrë me makina, po me makina nuk lëvizet, se duhet ecur me këmbë, bjeshka është e rrezikshme nuk shihet njeriu me njeriun, prej mjegullës. Edhe në korrik është moti i paqëndrueshëm, është lartësi mbi 1600 metra”, tha ai.

Lajmi kryesor:

Kukës, doli për të mbledhur boronica në Bjeshkë, familja humb kontaktet me të riun! I afërmi apel në Report Tv: Ju lutem, llogariteni sikur është fëmija e një deputeti

B.K./r.k./Shqiptarja.com

TAG:
• Meledin Adili
• zhdukje
• Kukes