27 vite burg për ish-kryeredaktorin e revistës turke me origjinë shqiptare (VIDEO)

Ish kryeredaktori i gazetës turke "Cumhuriyet" Can Dundar me origjinë shqiptare,  është akuzuar për terrorizëm dhe spiunazh.

Ai u arratis në Gjermani në vitin 2016, pas përpjekjes së dështuar për gvrusht shteti në 15 Korrik të atij viti.

Gazetari turk Can Dundar është dënuar me më shumë se 27 vjet burg për mbështetje të terrorizmit dhe "spiunazhit ushtarak ose politik".

Një gjykatë në Stamboll dënoi me 18 vjet e nëntë muaj për marrjen e sekreteve shtetërore me qëllim të spiunazhit politik ose ushtarak. Gjykata gjithashtu e dënoi atë me tetë vjet e nëntë muaj shtesë për mbështetjen e një organizate terroriste të armatosur.

Aktualisht në mërgim në Gjermani, ish-kryeredaktori i gazetës turke të opozitës Cumhuriyet u gjykua në mungesë.

Gjyqtarët në gjykatën Caglayan të Stambollit lëshuan vendimin pavarësisht nga mungesa e ekipit të mbrojtjes. Avokatët e Dundar thanë se ata nuk do të merrnin pjesë në seancën përfundimtare, duke  thënë se akuzat ishin të motivuara politikisht.

Gjykata vonoi vendimin e saj pasi avokatët e Dundar kërkuan që gjyqtarët të zëvendësohen për të siguruar një gjykim të drejtë. Gjykata e refuzoi kërkesën.

Dundar u arratis në Gjermani në 2016 për t'i shpëtuar akuzave ligjore pasi u dënua për spiunazh për botimin e një historie në lidhje me dërgesat e armëve Turke për rebelët Sirianë në 2015.

Presidenti turk Rexhep Tajip Erdogan kishte paralajmëruar Dundar do të "paguante një çmim të rëndë" për raportin Cumhuriyet që ekspozon agjencinë e inteligjencës Turke .

Gjykata e shpalli Dundar të arratisur dhe urdhëroi sekuestrimin e pasurive të tij në Turqi duke përfshirë katër prona në Ankara, Stamboll dhe Mugla si dhe llogaritë bankare në emrin e tij.

Autoritetet turke gjithashtu konfiskuan pasaportën e gruas së tij në shtator 2016.

Can Dundar

/b.ha./Shqiptarja.com

TAG:
• turqi
• erdogan
• gazetar
• grushti i shtetit