289 gjoba për parakalime të gabuara, 187 për celular në timon/ Bilanci i policisë

TIRANË- Policia rrugore ka pezulluar 34 patenta dhe ka vendosur 289 gjoba për parakalime të gabuara dhe manovra të rrezikshme gjatë kontrolleve në akset rrugore ditën e sotme.

Në bilancin ditor të Policisë rrugore, bëhet me dije se janë vendosur gjobë për mosvendosje të rripit të sigurimit, përdorimit të celularit në timon, por edhe për parkime të gabuara.

Njoftimi i plotë
Prej orëve të para të mëngjesit e deri në orën 19:30 kanë vijuar kontrollet në të gjitha akset rrugore ku janë  konstatuar shpejtësi tej normave të lejuara, shpejtësi që varionin deri në 70 -80 km/h, mbi normën e lejuar.

"Si rezultat i kontrolleve me radar prej mëngjesit të sotëm deri në orën 19:30, janë tërhequr 34 leje drejtimi për shpejtësi mbi normën e lejuar.

Janë vendosur 289 masa administrative për parakalime të gabuara dhe manovra të rrezikshme në rrugë. 4 masa maksimale me vlerë 30 mijë lekë të reja, pasi drejtuesit e mjeteve ishin shtetas të huaj;

 64 masa për mosvendosje të rripit të sigurimit;

187 për përdorim të celularit;

43 për shkelje të semaforit;

44 për mos vendosje të kaskës mbrojtëse;

540 për parkime të gabuara.

Nga kontrollet me drager në të gjithë vendin janë pezulluar 18 leje drejtimi për drejtim mjeti nën ndikimin e alkoolit.

Janë arrestuar në kushtet e flagrancës 3 drejtues mjetesh për drejtim mjeti në gjendje të dehur dhe 4 për drejtim mjeti pa leje drejtimi. Të fluturosh dhe jo të drejtosh mjetin në rrugë  më e pakta të çon tek Polici dhe radari dhe në destinacion do shkoni pa patentë, e në rastin më të keq aksidenti ju pret apo me keq akoma patenta shkon në shtëpi pa ju.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria luan ndaj Kroacisë sfida e dytë në Euro 2024, kush fiton?



×

Lajmi i fundit

“I duam taksat sa Erion Braçe”, deputeti ironizon profesionistët e lirë: Të njëjtët injorantë nuk dinë që nuk kishin tatim fare

“I duam taksat sa Erion Braçe”, deputeti ironizon profesionistët e lirë: Të njëjtët injorantë nuk dinë që nuk kishin tatim fare