POP 5

Lajmet më të lexuara të 5 minutave të fundit

Kultura

3 gra në kërkim të dashurisë, ‘V në kub’ në teatrin ‘Bylis’! Komedia me regji të Bruno Shllakut për herë të parë në Fier

Jeta sentimentale e 3 grave në kërkim të dashurisë, që Primo Shllaku ka vënë në qëndër të komedisë, afroi tek artëdashësit fierakë një mbrëmje ndryshe. ‘V në kub’ do shfaqet në teatrin Bylis për tre netë radhazi .

‘V në kub’ është shfaqja më e re e zhanrit komedi që çeli siparin e projekteve të reja artistike në skenën e teatrit “Bylis” në Fier duke përcjellë mjaft emocione te artëdashësit.

Me regji të artistit shkodran Bruno Shllaku komedia ka në qendër të saj jetën sentimentale të tre grave të reja, me profesione të ndryshme në kërkim të dashurisë së tyre.

Mimoza Marjanaku, Rudina Nallbani dhe Miola Sitaj, jane tre aktoret fierake që interpretuan në role e tyre , personazhet kryesore të komedisë ku kjo e fundit e sheh rikthimin në skenën e teatrit “Bylis”  pas një periudhe të gjatë pauze me një emocion të veçantë.

“V në kub” është simboli astrologjik i femrës, Venusit. “V në Kub”, përmban edhe simbolin e tre personazheve femra,Valeri,  Vitori dhe Valentina. Shfaqja trajton jetën e tre grave në profesione të ndryshme të cilat me lojën e tyre sjellin jetën sentimentale, kërkimin drejt lumturisë,  vështirësitë që ato hasin për të gjetur lumturinë e tyre. Ajo trajton barazinë gjinore dhe shumë probleme aktuale të kohës”, tha Miola Sitaj, aktore e teatrit “Bylis”.

Komedia "V ne kub" u vu në skenë për herë të parë mbrëmjen e së dielës dhe do të shfaqet  për tre netë rresht në teatrin “Bylis” në Fier për të gjithë të interesuarit që duan ta ndjekin.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Rusia dënon me mbi 4 vjet burg ish punonjësin e konsullatës amerikane

Rusia dënon me mbi 4 vjet burg ish punonjësin e konsullatës amerikane

2 Nëntor, 20:55