POP 5

Lajmet më të lexuara të 5 minutave të fundit

Kultura

3 netët folklorike të ‘Sofrës Dardane’ në Bajram Curri

Festivali kombëtar i “Sofrës Dardane” erdhi në edicionin e 20-të për tre net radhazi në qytetin e Bajram Currit. Tingujt e Lahutës së Malësisë përcollën me emocion muzikën folklorike, këngët dhe vallet e trevave shqiptare

Qyteti i Bajram Currit për tre net radhazi është kthyer në djepin e folklorit të këngëve, melodive orkestrale dhe valleve popullore duke sjellë edicionin e 20-të  Festivalit të “Sofrës Dardane”, në Bajram Curri.

Organizuar nga Unioni Artistik i Kombit dhe bashkia e qytetit mbi 500 artistë të Ansamblit nga të gjitha trevat shqiptare u bënë pjesë e festivalit duke sjellë me mjeshtri larminë e tingujve tradicionalë të folklorit shqiptar.

‘Sofra Dardane është një nga eventet e rralla me vlera të jashtëzakonshme, që jep mesazhe bashkimi, mesazhe shqiptarie, uniteti dhe më kryesori mesazhe të ruajtjes së vlerave shpirtërore të popullit tonë’- u shpreh Frrok Gjonaj.

Me kostume të larmishme u parakalua në rrugët e qytetit duke sjellë entuziazëm tek banoret e qytetit. Netëve folklorike nuk i munguan dhe tingujt e instrumentit historik të veriut Lahutës së Malësisë.

‘Pata nderin dhe fatin që në këtë 20 vjetor të krijimit të “Sofrës Dardane” të marr pjesë. Në këtë event marrin pjesë nga të gjitha trevat e Shqipërisë me shoqëri kulturore, ansamblet e Malit të Zi, të Kosovës, Të labërisë, Çamërisë, të Pukës, Tropojës dhe të gjithë trevat!’- tha Gjonaj.

“Sofra Dardane” është një ndër festivalet më të rëndësishme kombëtare të muzikës folklorike të veriut që bën bashkë çdo vit artin e muzikës shqiptare nga të gjithë anët e trevave. Në këtë event morën pjesë edhe shumë personalitete nga Kosova e Shqipëria.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Shkodër/ Arrestohet 34 vjeçari akuzohet se është kultivuesi i 4 miniparcelave me kanabis

Shkodër/ Arrestohet 34 vjeçari akuzohet se është kultivuesi i 4 miniparcelave me kanabis

26 Janar, 10:33