30 vite marrëdhënie diplomatike Shqipëri-Ukrainë, Xhaçka: Krenarë për mbështetjen që i japim Kievit në luftën për liri, duke refuzuar tiraninë

30 vite nga rivendosja e marrëdhënieve diplomatike Shqipëri-Ukrainë, ministrja e Punëve të Jashtme Olta Xhaçka ka bërë edhe një herë me dije se Shqipëria pritet shumë shpejt të hapë një ambasadë në Kiev.Xhaçka shkruan në facebook se Shqipëria ëhstë krenare për mbështetjen që i jep Kievit në luftën për liri kur pushtuesit rus.

“Kanë kaluar 30 vite vjet që kur Shqipëria dhe Ukraina vendosën marrëdhëniet diplomatike si dy vende që dolën nga tirania në botën e lirë. Sot ne jemi krenarë që qëndrojmë pranë Ukrainës si miq të vërtetë në anën e duhur të historisë. Rezistenca heroike e Ukrainës është një luftë për liri dhe refuzim i një rikthimi në tiraninë nga e cila kemi dalë të dyja vendet shumë kohë më parë. 

Kjo është arsyeja pse Shqipëria do të mbështesë Ukrainën ????dhe popullin e saj me maksimumin e aftësive të saj derisa të triumfojë kundër luftës së paligjshme të agresionit të Rusisë.   Shqipëria dhe Ukraina i përkasin familjes së kombeve të lira dhe demokratike dhe të dyja kanë një të ardhme në familjen Euro-Atlantike.  Me rastin e këtij 30-vjetori, jam e lumtur të njoftoj se Shqipëria do të rrisë nivelin e saj të përfaqësimit në Kiev duke hapur ambasadën e saj në Ukrainë. Pres me kënaqësi vijimin e bashkëpunimit me mikun dhe kolegun tim Dmytro Kuleba për të avancuar dhe forcuar bashkëpunimin tonë edhe më tej në të ardhmen”, shkruan Xhaçka.

LEXO EDHE:
Lufta në Ukrainë/ Kina ndihmë ushtarake për Moskën? SHBA po planifikon sanksione të reja! Pekini: Akuzat të pabaza

Kujtojmë se Shqipëria ka qenë një prej vendeve më mbështetëse të luftës së Ukrainës, sidomos me punën në Këshillin e Sigurimit në OKB.

K.T./Shqiptarja.com

TAG:
• kiev
• ministria e jashtme
• olta xhaçka
• lufta ne ukraine