300 ditët e qeverisë Rama, Basha:
Asnjë bilanc pozitiv

Kryetari i opozitës Lulzim Basha ka reaguar për 300 ditët e qeverisjes së kryeministrit Edi Rama. Në një postim në rrjetin social Facebook, Basha shkruan se në këto 300 ditë qeverisje Rama, nuk ka asnjë bilanc pozitiv.
 
“300 ditë qeverisje, 300 ditë premtime, 300 ditë mashtrime. 300 ditë, fjalë, fjalë dhe vetëm fjalë. Asnjë bilanc, asnjë vend të ri pune, asnjë investim, asnjë reformë, vetëm varfëri dhe papunësi. 300 ditë, pasiguri për jetën dhe pronën. Krimi, grabitjet me dhunë, aksidentet, trafiku i lëndëve narkotike në nivele alarmante. 300 ditë, largime masive nga puna, emërime kriminale, korrupsion politik, shitblerje votash. 300 ditë, krimi dhuna dhe brutaliteti kanë pushtuar shtetin”, shkruan kryetari i Partisë Demokratik Lulzim Basha në rrjetin social Facebook.