30-minuta shi i furishëm përmbyt qendrën e qytetit të Beratit! Vështirësohet qarkullimi i mjeteve dhe këmbësorëve

Kanë mjaftuar vetëm 30 minuta shi i furishëm që qendra e qytetit të Beratit të notojë në ujë. Si pasojë e reshjeve të shiut është mbuluar nga uji vendi i quajtur "Axhensi" në Berat. Prania e shiut në rrugën kryesore të qytetit ka vështirësuar jo vetëm lëvizjen e automjeteve, por edhe të këmbësorëve. Shkak për përmbytjen e rrugës janë bërë bllokimet e kanalizimeve të ujërave dhe pusetat në aksin kthesa e gjykatës-axhensi.

Është dashur ndërhyrja e punonjësve të pastrimit për të zhbllokuar pusetat në rrugë si dhe pakësimi i reshjeve të shiut, që uji në qendrën e qytetit të tërhiqet pas 30-minutash.

Por edhe pse uji u tërhoq nga rruga dhe u krye zhbllokimi i qendrës së qytetit, ajo që mbeti pas është balta, që po pastrohet.

Bllokimet e rrugëve kryesore në Berat ndodhin shpesh,sidomos në rastet e shiut të pandërprerë e me furi, që nxjerrin jashtë funksionit kullimin e ujërave në pusetat e rrugës, që janë të amortizuara prej vitesh.

J.SH./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të vendosen kufizime për personat e pavaksinuar?



×

Lajmi i fundit

John

Beatrix protagoniste e mediave rozë, flet vëllai: Motra ime dashuron pa kushte, është shembull për vajzat, Donaldin nuk e kam takuar asnjëherë