31 marsi është afati i fundit për dorëzimin e deklaratave tatimore vjetore për vitin 2025 dhe Administrata Tatimore po u bën thirrje tatimpaguesve të mos e lënë për ditët e fundit.

Sipas njoftimit zyrtar të bërë nga ministri Petrit Malaj, dorëzimi i deklaratave para mbylljes së afatit ndihmon në shmangien e vonesave dhe problemeve që mund të krijohen nga fluksi i lartë në sistem në fund të procesit.

Shifrat tregojnë se një numër i lartë tatimpaguesish e kanë kryer tashmë këtë detyrim. Deri tani, 79,925 tatimpagues kanë dorëzuar deklaratën për të ardhurat personale nga biznesi, 15,306 kanë dorëzuar deklaratën mbi të ardhurat e korporatave, ndërsa rreth 89,199 individë kanë paraqitur deklaratën e të ardhurave vjetore personale.

Administrata Tatimore thekson se deklarimi në kohë shmang jo vetëm mbingarkesën e sistemit, por edhe penalitetet që mund të vijnë nga mosdeklarimi ose deklarimi me vonesë.

Për çdo paqartësi apo ndihmë, tatimpaguesit mund të kontaktojnë Qendrën e Thirrjeve në numrin pa pagesë 0800 0002.

U.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Mars, 13:11

    Qeveria rikthen Bordin për naftën, a besoni se do mbahen çmimet nën kontroll?

Lajme të tjera