POP 5

Lajmet më të lexuara të 5 minutave të fundit

Kultura

35 vjetori i ekzekutimit të Havzi Nelës, marshim për poetin: Ende s’është dhënë drejtësi për martirin e lirisë

35-vjetori i martirizimit të poetit Havzi Nela nga regjimi komunist u përkujtua këtë herë nga familjarë, bashkëvuajtës, qytetarë dhe përfaqësues të Unionit të të Burgosurve dhe të Përndjekurve politikë. Gjatë marshimit në kryeqytet pjesëmarrësit e cilësuan poetin e ekzekutuar nga regjimi si mbrojtës të idealit të lirisë.

35 vite nga ekzekutimi politik i poetit dhe martirit Havzi Nela nga regjimi komunist, bashkëvuajtës dhe përfaqësues të Unionit të të Burgosurve dhe të Përndjekurve politike u bënë pjesë e tubimit dhe ceremonisë përkujtimore kushtuar poetit të lirisë.

Pjesëmarrës në eventin e një ditë më parë në kryeqytet e cilësuan Havzi Nelën mbrojtës të idealit të lirisë për sa jetoi. krijimtaria dhe kontributi historik i poetit të lirisë u përkujtua përmes vargjesh poetike, interpretuar nga aktori dhe artisti i mirënjohur Bujar Asqeriu.

Ceremonisë përkujtimore dedikuar jetës dhe veprimtarisë së poetit nuk i mungoi dhe marshimi simbolik për kontributin e poetit rebel të lirisë.

Shembull i qëndresës, nderit dhe mëndjes së ndritur e konsideroi një prej bashkëvuajtësve në burgun e Spaçit, Demir Pojani.

“Ai e thotë vetë në krijimtarinë e tij se sa e bukur është liria, a e thotë vetë se sa e bukur është ndershmëria, po ku ka Havzi më?”, tha Demir Pojani.

Organizatori i tubimit përkujtimor, Besim Ndregjoni tha se 35-vjetori i poetit është një ende një këmbanë alarmi për shoqërinë shqiptare.

“Fatkeqësisht sot ne i kremtojmë 35 vjetorin Havzi Nelës. Çfarë kemi pasur në dorë ne të burgosurit politik e kemi bërë. A ka turp më të madh kombëtar për jetën dhe veprimtarinë e poetit heshtje. A ka turp më të madh edhe për opozitën shqiptare 32 vjeçare që nuk i dënoi krimet e komunizmit, që e pranoi heshtjen e Partisë së Punës së Shqipërisë sot PS. Ne s’do bëjmë si këta. Vëllezër dhe motra të ruajmë Shqipërinë nga politikanët antikombëtare dhe sa më shpejt në Europë siç kërkonte i madhi Havzi Nela”, tha Besim Ndregjoni, Drejtuesi i Unionit Mbarëkombëtar për Integrimin e të burgosurve dhe përndjekurve politikë.

Për veprën e poetit Havzi Nela janë botuar libra nga disa autorë si Petrit Palushaj, Rexhep Shahu mes tyre dhe një monografi e plotë me dosjet e dënimeve të Havzi Nelës e studiuesit Florin Zyberaj. Me një krijimtari të pasur dhe një jetë tragjike, poeti dhe martiri i lirisë Havzi Nela u dënua nga regjimi komunist me varje në litar në Kukës më 10 gusht 1988 vetëm dy vjet para shembjes së diktaturës.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Xakw: 13/08/2023 05:45

    E vrau regjimi kanceroz i Kristaq Rama. Qe te ecte para kuadri Edi dhe te mbanin shtetin te kapur prej fyti. Eshte kaq e turpshme.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Magjia e Krishtlindjeve, qindra njerëz shijojnë koncertin festiv në sheshin 'Skënderbej'

Magjia e Krishtlindjeve, qindra njerëz shijojnë koncertin festiv në sheshin 'Skënderbej'

24 Dhjetor, 19:35