38 martirët, Rama: U lartësua
emri i Shqipërisë dhe shqiptarëve

Kryeministri Rama ka përshëndetur lumturimin e 38 martirëve shqiptarë sot në një ceremoni madhështore në Shkodër.
 
Rama shkruan në profilin e tij në Facebook shkruan se nëpërmjet lumnimit të 38 klerikëve, rregulltarëve dhe laikëve të Kishës katolike, naltësimi i besimit të martirëve shqiptarë prek çdo altar, në çdo kishë të botës.
 
Sipas tij, emri i secilit prej tyre, është gdhendur përjetësisht në kalendarin liturgjik, duke naltësuar përnjimend edhe emrin e Shqipërisë dhe Shqiptarëve.
 
Statusi i Ramës
'Provinca françeskane e Shqipërisë, e cila pagoi më shtrenjtë nga çdo bashkësi tjetër ekleziale, dhunën dhe shfarosjen e regjimit totalitar, shfaqet në këtë foto të viteve '30, në tërë lavdinë e saj, rreth zemrekut të saj intelektual ku spikat At Gjergj Fishta.
 
Sot, nëpërmjet lumnimit të 38 klerikëve, rregulltarëve dhe laikëve të Kishës katolike, naltësimi i besimit të martirëve shqiptarë prek çdo altar, në çdo kishë të botës.
 
Prej kësaj dite, emri i secilit prej tyre, është gdhendur përjetësisht në kalendarin liturgjik, duke naltësuar përnjimend edhe emrin e Shqipërisë dhe Shqiptarëve.
 
Falenderoj autoritetet kishtare për celebrimin e denjë dhe për mirënjohjen publike ndaj mbështetjes së shumanëshme të Qeverisë, e cila ishte një detyrë morale e patjetërsueshme.
 
Kujtim të amshuar të lumëve martirë të Shqipërisë: "In memoria aeterna erit iustus; ab auditione mala non timebit" Ps. CXI' shkruan Rama.
 


dy.b/shqiptarja.com