'Ballkani s’ka qenë prioritet i BE,
Rusia po rrit influencën në rajon'

Bodo Weber, bashkëpunëtor i Këshillit të Politikave për Demokratizim në Ballkanin Perëndimor, ka deklaruar se rajoni kurrë nuk ka qenë prioritet i Bashkimit Europian.
  
“Unë dhe kolegët e mi kemi gati një dekadë që paralajmërojmë mbi influencën ruse në Ballkan.
 
Rusia po dëmton politikat perëndimore e sidomos ato të BE-së në rajon është përpjekur të rrisë ndikimin e vetë”, thotë ai.
 
Edhe Daniel Serwer, një njohës i mirë i zhvillimeve në Ballkanin Perëndimor ka komentuar deklaratat e Ramës dhe të Thaçit për bashkimin e mundshëm të Shqipërisë me Kosovën.
 
“Unë mendoj se këtu kemi të bëjmë me një deklaratë analitike. Nuk e kuptoj si diçka që Rama dëshiron ta arrijë.
 
Përkundrazi, mendoj se është plotësisht e qartë që ai nuk e do që kjo të ndodhë.
 
Mendoj se ka shumë frustrime jo vetëm në Shqipëri e Kosovë, por edhe në Bosnje Hercegovinë dhe Serbi për shkak se procesi i zgjerimit evropian po ecën ngadalë" tha ai. 


dy.b/shqiptarja.com