'Blindohet' familja Doçi pas
masakrës, frikë nga hakmarrja

TIRANE - Mentor Doçi, personi i cili nuk mundi t’i mbijetonte atentatit të dytë, pasditen e së mërkurës në Bulevardin “Zogu i Parë”, përballë maternitetit “Mbretëresha Geraldinë”, përpos dy nipërve të cilët shërbenin si truproja gjatë të gjitha lëvizjeve të tij, kishte "blinduar" edhe shtëpinë me kamera sigurie. Kështu, në shtëpinë e tij janë të instaluara dy kamera sigurie tek dera, njëra sipër saj dhe një tjetër është tek pajisja e citofonit që flet pasi i bie zilës.

Në këtë mënyrë, ai në shtëpi ishte i garantuar dhe e merrte vesh se kush e kërkonte atë. Ndërkaq, gazeta Shqiptarja.com ka shkuar në ambientet e banesës se ku Mentor Doçi dhe familja e tij jetonte, si dhe për të komunikuar nga afër me të afërmit e tij.