Spiropali e quajti Blushin "grerëz që urren çdo bletë dhe çdo nektar", ndërsa sot ka ardhur reagimi i partisë LIBRA.
Postimi në Facebook i Elisa Spiropalit
"O Blush, duket qartë që je një grenxë që s'ke haber nga bletët. Bletët mor Blush nuk kanë neuroreceptore (cnr) që t'i zërë pija apo tymi i barit, por ti Blush je bërë si Shvejku që thoshte ç'më duhet mua çfarë them unë. Kur them unë që ti Blush lexon vetëm librat e tu, njerëzia kujtojnë se e kam me talentin tënd letrar, për të cilin në fakt nuk kam ndonjë respekt. Sepse ti o Blush je një asshkrimtar aspolitikan, as nektar as bletë, po një dembel qe llafollogjis për të pickuar dynjanë si një grenxë që urren çdo bletë e çdo nektar. Mezi po pres të të shoh o Blush kur të shohësh se nuk të ha njeri as për libër as për libra në 18 qershor".
![elisa spiropali](http://www.shqiptarja.com/foto/282182.jpg)
Përmes një deklarate të shpërndarë për mediat, LIBRA i drejtohet Spiropalit me fjalët "ish-doganierja që bën biologen", ndërsa i drejton dhe pyetjen se çfarë lidhje ka me doganierët e arrestuar.
“Ish-doganierja, në vend të na përgjigjet ç’lidhje ka me doganierët e arrestuar, bën biologen. Mos vallë do jetë ministrja e ardhshme e Bujqësisë pas fjalimeve për Skënderbeun? Të paktën shoqen Lenka, e bënë ministre se vilte me të dyja duart. Rilindja bën atë që vjedh me dy duar”, u shpreh koordinatorja e LIBRA-s, Matilda Terpollari.
Redaksia Online
l.q/Shqiptarja.com
![](https://www.shqiptarja.com/template/img/sh_logo1.png)