POP 5

Lajmet më të lexuara të 5 minutave të fundit

Politikë

'Bomba' e PD:Në Shqipëri ka drogë
A e shkatërroi më pas parcelën?

Partia Demokratike ka publikuar fotot dhe video e paralajmëruar nga Kreu i Opozitës, Lulzim Basha për parcelat e drogës. Në një deklaratë për mediat Sekretari për Aksionin Qytetar, Salianji, është shprehur se mjafton një udhëtim në Tepelenë për të parë sesi lulëzon biznesi i drogës. VIDEO  
'Bomba' e PD:Në Shqipëri ka drogë<br />A e shkatërroi më pas parcelën?
Pas dhjetëra fotosh-bllof të publikuara nga Sali Berisha në faqen e tij në Facebook, në të cilat paraqiste parcela kanabisi të fotografuara në të katër anët e botës sikur ishin marrë në Shqipëri, më në fund sot PD-ja gjeti një parcelë të vërtetë me kanabis. Për të shmangur që ta akuzojnë për një bllof tjetër, dërgoi në mes të parcelës me kanabis Ervin Salianjin, sekretar për Aksionin Qytetar, të cilin e fotografuan atje.
 
Fotografia ishte njoftuar që në mëngjez si një “bombë”, që do të tregonte kushedi çfarë lidhjesh mes parcelës dhe qeverisë. Natyrisht, askush nuk mohon që në Shqipëri ekziston kanabis; e pranon edhe vetë Policia, që çdo ditë djeg dhjetëra parcela. Kështu që fotografia e sotme, në vend të një bombe, del si një tjetër bllof politik i opozitës, e cila, duke vijuar të shpallë “bomba” të paqena, po humb ditë pas dite besueshmërinë e saj.
 
Mbetet të kuptohet nëse Ervin Salianji, pasi u fotografua në mes të drogës e bëri detyrën e tij si qytetar deri në fund, duke denoncuar në Polici vendndodhjen e parcelës së drogës, për t’u mundësuar organeve shtetërore ta shkatërrojnë. Apo heshti, siç ka bërë për vite me radhë kryebashkiaku i PD i Lazaratit?
 

Ja deklarata e PD

 

Mjafton një udhëtim 20 minuta larg aksit kombëtar në rrethinat e Tepelenës për të parë se si lulëzon biznesi kriminal i drogës që drejtohet nga Edi Rama, përmes të licensuarit të tij Saimir Tahiri. Plantacionet me hashash në zonat e Tepelenës, kryesisht në Gusmar që është vendlindja e Saimir Tahirit dhe shumë drejtuesve të policisë, tregojnë realitetin e kanabizimit të vendit, një realitet dramatik për Shqipërinë, që Edi Rama mundohet ta mohojë. Në fillim, garda e parë e kanabisit janë postoblloqet e policisë, më pas kalon 2 ose 3 postoblloqe me banditë të armatosur deri në fyt, që qendrojnë në makina superluksoze.
 

Sekretari për Aksionin Qytetar në Partinë Demokratike, Ervin Salianji arriti të shkelë në këto parcela kanabisi dhe denoncoi në vendngjarje këtë biznes kriminal që sjell miliona euro përfitime për bandat e Edi Ramës, e per atë vetë që permes skemes kriminale merr 30 perqindeshin, biznes qe rritet mbi mjerimin e fshatarëve të zonave, qe shfrytezohen me 10 ose 20 mijë lekë të vjetra në ditë.
 

 “Pas qindra denoncimeve me foto dhe video të bëra nga Partia Demokratike dhe të përgenjeshtruara me turp nga ministri i Brendshëm dhe Kryeministri, sot jam në emër të Partisë Demokratike për tu treguar edhe njëherë tjetër se sa lehtësisht gjenden këto dëshmi tronditëse të mbjelljes së Shqipërisë me drogë, me kanabis sativa. Drogë e cila mbillet me bekimin e ministrit të Brendshëm, me marrjen e 30 përqindëshit për çdo rrënjë nga ana e drejtuesve të policisë, para që shkojnë drejtpërdrejtë tek Saimir Tahiri, tek Edi Rama. Kjo është një dëshmi tjetër se si sovraniteti i shtetit është dorëzuar në celula trafikante, të cilët shfrytëzojnë një popull të mjerë, një popull të lënë në mjerim e varfëri nga kjo qeveri, për tu perdorur për mbjellje droge. Kjo nuk kërkon ligj të ri por kërkon vetëm vullnet politik. Kjo kërkon vetëm çmontim të bandave në qeverisje. Kjo kërkon vetëm çmontim të krimit të lidhur me pushtetin dhe pushtetit të lidhur me krimin. Koha e Edi Ramës dhe Saimir Tahirit ka mbaruar”, tha Salianji. ​

plantacione
Sekretari për Aksionin Qytetar në Partinë Demokratike, Ervin Salianji
plantacione
plantacione
 Parcelat me drogë në Gusmar të Tepelenës

Redaksia Online
XH.K/shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51