TIRANE - Njezet e dy persona të arrestuar për veprën penale të “vjedhjes së energjisë elektrike” në kryeqytet dolën këtë të premte para Gjykatës së Tiranës për t’u njohur me akuzën dhe masën e sigurisë ndaj tyre.
 
Këto masa sigurie do të vlerësohen nga gjykatësi Arian Aliaj, i cili ka vendosur që shqyrtimet gjyqësore të zhvillohen me dyer të mbyllura, ndërsa Prokuroria ka vendosur 4 prokurorë të cilët do të kërkojnë vlerësimin e ligjshëm të arresteve me akuzën e vjedhjes së energjisë.
 
Halil Kuçi, i cili ka në pronësi një furrë buke, është një prej të prangosurve që ka dalë këtë të premte para gjykatës, ndërsa për vëllanë e tij arrestimi është i pavend, pasi problemin e ka shkaktuar ish-kompania CEZ duke i mbifaturuar dhe jo mospagimi i energjisë prej tyre.
 
Prangosja e 22 personave në tre ditët e para të operacionit kundër vjedhjes së energjisë elektrike në kryeqytet kundërshtohet dhe nga avokatët mbrojtës, të cilët deklarojnë se raporti që qytetarët kanë me Operatorin e Shpërndarjes së Energjisë Elektrike (OSHEE) është marrëdhënie civile dhe s’mund të trajtohet si vepër penale.

Të arrestuarit për vjedhje të energjisë elektrike sot para Gjykatës së Tiranës
Ymer Murati
Sokol Bastri
Aurel Lleshi
Sadri Plaku
Astrit Hamzallari
Ilirian Hoxha
Ali Malaj
Guri Goxha
Halil Kuçi
Mirvet Pira
Mirjan Kola
Ervis Ibro
Agron Kazaferi
Lulzim Troci
Admir Ndrevata
Shpetim Tafhasa
Eklajdi Cullhaj
Dritan Dumi
Gazment Meta
Astrit Sollaki
Arlin Preni
Abdurrahim Gjoka

Redaksia Online
(e.s/shqiptarja.com)