POP 5

Lajmet më të lexuara të 5 minutave të fundit

Sport

'Rezultoi'me HIV/AIDS për të ikur
te ekipi tjetër, si mashtroi Marseille 

Ish-presidenti problematik dhe kontravers i ekipit të Marseilles, Bernard Tapie në vitet 1986-1994 tregon një nga episodet e panjohur deri më sot të presidencës së tij. Abedi Pele, një nga lojtarët  më të mirë që ka prodhuar kontinenti afrikan në vitin 1987 luante për ekipin francez Mulhouse. 
Ish-presidenti problematik dhe kontravers i ekipit të Marseilles, Bernard Tapie në vitet 1986-1994 tregon një nga episodet e panjohur deri më sot të presidencës së tij.

Abedi Pele, një nga lojtarët  më të mirë që ka prodhuar kontinenti afrikan në vitin 1987 luante për ekipin francez Mulhouse.

Ganezi ishte shënjestruar nga ekipet rivale të Monacos dhe Marseille.

Biznesmeni i njohur ishte gati të shrytëzonte ҫdo mjet për të përmbushur synimet e tij.

Bernard Tapie trilloi një version që do ta detyronte Monacon ta largonte menjëherë ganezin Pele.

Ai komunikoi me Pelenë duke i thënë se gjatë procesit të kryerjes së testeve mjekësorë te ekipi i As Monaco ai nuk duhet të pranonte kryerjen e analizave të gjakut, një procedurë e detyrueshme për ҫdo lojtar që i bashkohet një ekipi të ri.

" Në të njëjtën kohë që po komunikoja me Pele-në, unë u ndihmova nga njëri prej punonjësve të ekipit AS Monaco,një person me rëndësi brenda klubit. Të dy pranuam të krijonim materiale  të fabrikuara se lojtari ganez ishte i infektuar me HIV duke rezultuar pozitiv në analizat mjekësore " , deklaron Tapie për " Le Monde ".

Komploti funksionoi dhe Tapie e kishte fituar betejën me rivalët e AS Monaco.

Pele do të fitonte më pas dy tituj kampionë me Marseille dhe Ligën e Kampioneve në vitin 1993 kundër ekipit më të fortë të kohës, Milanin në finalen e Mynihut.

Një vit më vonë klubi i Marseille-ës u pezullua nga kompeticionet evropiane dhe u dërgua në kategorinë e dytë të futbollit francez për shkak të skandalit të madh fitores së kampionatit të sezonit 1992/1993 nëpërmjet fiksimit të rezultatit të ndeshjes vendimtare të sezonit me ekipin e Valenciennes.

Tapie dha dorëheqjen dhe u dënua me 2 vjet burg dhe për 3 vjet u privua nga ushtrimi i të drejtave civile.

" Në ҫdo rrethanë je i detyruar të fitosh " , përfundon ish-presidenti i Marseille Bernard Tapie.

Redaksia Online
d.v./shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Lulzim Basha i bashkohet lutjeve për Kryepeshkopin Anastas Janullatos

Lulzim Basha i bashkohet lutjeve për Kryepeshkopin Anastas Janullatos

10 Janar, 21:11