POP 5

Lajmet më të lexuara të 5 minutave të fundit

Politikë

'Takim botësh' në Kryeministri
Rama: Godina jo vetëm për politikë

Është hapur në hollin e Kryeministrisë ekspozita “Takim botësh” kushtuar periudhës së Princ Vidit. Ashtu siç tregoi Artan Lame ekspozita është mbushur me fotografi dhe objekte autentike historike të periudhës së Princ Vidit. Ndërsa Rama tha se kjo nuk do të jetë e vetmja. VIDEO
Fjala e plotë e kryeministrit Rama
'Takim botësh' në Kryeministri<br />Rama: Godina jo vetëm për politikë
TIRANË- Është hapur në hollin e Kryeministrisë ekspozita “Takim botësh” kushtuar periudhës së Princ Vidit. Ashtu siç tregoi Artan Lame, një prej personave që është përkujdesur për përgatitjen e kësaj ekspozite, ajo është mbushur me fotografi dhe objekte autentike historike të periudhës së Princ Vidit.
 
Në fjalën e tij kryeministri Edi Rama u shpreh se kjo ekspozitë të natyrës historike do të pasohet me të tjera.  Kryeministri Rama tha se gjatë historisë ka shumë detaje që janë fshehur dhe kjo ekspozitë është një mundësi e mirë për hedhjen dritë edhe për fakte të panjohura të historisë tonë.

“Steoriotipet e dikurshme  vazhdojnë ta shënjojnë Shqipërinë herë këtu e herë atje, si atëherë, vendin aspak elegant përballë princit me sqimë, apo që fshehin me apo pa dashje fajësish apo pafajësish detaje të saj; si për shembull fjalët e një komandanti të ushtrisë osmane, që pavarësisht se ushtria tërhiqej ai qëndronte për mbrojtjen e Shkodrës duke thënë: “Shkodra është fati ynë ose varri ynë, por jo turpi ynë", tha ai.

Gjithashtu, Rama tha se godina e Kryeministrisë duhet të përdoret përveç se për çështje politike edhe për promovimin e arit dhe të kulturës së vendit tonë.
 
"Ne hapëm këtë derë për të mos e mbyllur me këtë ekspozitë, por për ta hapur herë pas here dhe për ta ndarë këtë hapësirë me ju dhe me publikun në vijim, për të prezantuar gjëra me vlerë, gjëra që meritojnë vëmendje dhe që meritojnë respekt. Dhe pse jo që meritojnë edhe autoritetin e kësaj godine, për t’u vënë në qendër të një vëmendjeje që sot, fatkeqësish, përqendrohet te kjo godinë apo te këto godina, vetëm për shkak të politikës dhe aspak, gjendet rëndom e shpërqendruar mbi gjërat që vërtetë vlejnë në kulturë, në art dhe në përpjekjen e brendshme të shoqërisë për të reflektuar dhe për të gjetur të vërtetat alternative, nga ato të vërteta që mundohet t’i imponojë politika dhe që rëndom, edhe kur qëllojnë të jenë të vërteta i bën të duken të pavërteta", vijoi kryeministrti.

“Kjo është vetëm e para e një rrugë të hapur mes nesh këtu në këtë godinë dhe jashtë kësaj”,- tha Rama.
 
Në çeljen e ekspozitës ishin të pranishëm deputetë, personalitete dhe diplomatë.

Redaksia online
(esh/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

E rëndë në SHBA, vriten me armë zjarri brenda shtëpisë çifti i shqiptarëve

E rëndë në SHBA, vriten me armë zjarri brenda shtëpisë çifti i shqiptarëve

29 Nëntor, 16:37