'Të dashuroj' zbardhen SMS e të
riut që përndoqi Luana Vjollcën

Të dua, Të dashuroj, Të puth buzën, Do të pres gjithë jetën, jam poshtë shtëpisë tënde, po ngjitem lart, janë disa nga qindra mesazhe që Besmir Lila i ka dërguar prezantueses Luana Vjollca duke e përndjekur prej kohësh dhe duke i kërkuar asaj një lidhje intime mes tyre.
 
Këto mesazhe janë përdorur një ditë më parë nga prokuroria në gjykatë si provë material për akuzën e përndjekjes ndaj Lilës për të cilin u caktua masa e sigurisë arrest me burg.
 
32 vjeçari u vu në akuzë edhe për armëmbajtje pa leje, armë të cilën policia ja gjeti në makinë pas debatit që ai pati me Luana Vjollcën dhe të dashurin e saj Krenar Cocaj më 12 Prill në zonën e unazës së re.
 
Referuar statistikave të gjykatës dhe policisë së Tiranës përndjekja është kthyer në një fenomen shqetësues, ku në polici cdo ditë depozitohen 4 kallëzime të tilla ndërsa në 4 muaj gjykata ka dënuar 18 shtetas për këtë vepër penale.
 
Sipas vendimeve gjyqësore përndjekjet kryhen nga persona kryesisht me probleme të theksuara mendore ndërsa një pjesë e tyre bëhen dhe nga ish partnerët që pasi ndahen nuk pranojnë prishjen e lidhjeve apo divorcit.
 
 

dy.b/shqiptarja.com