'Veliera' në Durrës, zbardhet vendimi gjykata pezullon punimet në zonën A
Report Tv ka zbardhur vendimin e plotë të Gjykatës së qytetit të Durrësit në lidhje me pezullimin e punimeve për zonën A ku po ndërtohet 'Veliera'. VIDEO
Report Tv ka zbardhur vendimin e plotë të Gjykatës së qytetit të Durrësit në lidhje me pezullimin e punimeve për zonën A ku po ndërtohet 'Veliera'.
E ndërsa prokuroria e qytetit bregdetar kërkoi sekuestro preventive dhe pezullimin e punimeve duke mos lejuar vazhdimin e punimeve në të gjithë projektin, gjykata në datë 3 mars vendosi që të pranojë pjesërisht kërkesën duke pezulluar punimet vetëm në zonën A.
Në lidhje me ndërtimin e Velierës në Durrës, Sazan Guri ka kërkuar që të pezullohen të gjitha punimet.
Ai u shpreh se disponon vendimin e gjykatës së Durrësit për vendosje e pezullimit të punimeve në zonën A të projektit 'Veliera' duke e cilësuar këtë si fitoren e parë morale dhe institucionale.
Ndërkohë Guri ka njoftuar se ka siguruar lejen e policisë së Durrësit për të organizuar një protestë e cila do të fillojë sonte në orën 21:00 dhe do të zgjasë deri ditën e nesërme në mëngjes duke kërkuar pezullimin e plotë të punimeve.
"Sonte në orën 21:00 protestë te Torra Veneciane për të ndaluar këtë masakër. Prokuroria na pajisi me vendimin e dalë nga gjykata, që thotë se vendosja e sekuestros preventimve duke mos lejuar vazhdimin e punimeve që shtrihet në zonën A.
Kjo është fitorja e parë morale dhe institucionale, do të vendosim flamurin mbi Torrën Veneciane. Sot kemi disa vendime, Shkalla e Parë, Përmbarimi, KLSH, UNESCO, Presidenti dhe KiE. Edhe ISIS nuk ia bën këtë makabritet qytetit të vet" shprehet Sazan Guri.
Sazan Guri deklaroi gatishmërinë për ti shkuar deri në fund kësaj proteste që ka si qëllim anulimin e këtij projekti dhe vendosjen e flamurit të fitores.