Lidershipi i Partisë Demokratike, i subjektit politik më të madh në opozitë, vijon t’a shikojë përgjegjësinë për humbjet e njëpasnjëshme në zgjedhjet parlamentare dhe zgjedhjet lokale tek strukturat e partisë në nivel lokal dhe tek baza e PD. Teksa disa figura potenciale të PD, si Eduard Selami, Majlinda Bregu, Jozefina Topalli etj., e shohin problemin tek kupola drejtuese e partisë, mungesa e shpresës, koherencës dhe strategjisë, kryetrari i PD, Lulzim Basha, vijon të firmosë udhëzime dhe strategji, të cilat synojnë të identifikojnë shkaqet e humbjes jashtë rrethit të lidershipit. Ndërsa një grup deputetësh kërkuan mbledhjen e Këshillit Kombëtar për analizimin e lidershipit, Basha ka firmosur ditët e fundit një urdhër, tashmë për llogari të zgjedhjeve të 2017. Një nga pikat e urdhrit parashikon gjurmimin dhe identifikimin e votuesve, të cilët kanë tradhtuar Partinë Demokratike, për arsye të ndryshme, ndërsa mbështesin subjekte të tjera, ndoshta Lëvizjen Socialiste për Integrim apo edhe parti të tjera në rritje, si PDIU.
Në fokus të skanimit do të jenë anëtarët formalë të Partisë Demokratike, por që nuk e votojnë më këtë parti, ndërsa në plan të dytë do të janë personat që nuk janë anëtarë të PD, por votues potencialë të saj. Lista me anëtarët që kanë tradhtuar partinë do të përdoret si bazë për përjashtimin e tyre nga Partia Demokratike, ndërsa lista e personave të pa anëtarësuar në një subjekt politik, bashkë me orientimin e tyre politik, do të shërbejnë për llogaritjen e rezultatit në zgjedhjet parlamentare të 2017. Ndërkaq, udhëzimi konfirmon edhe një tjetër plan, sipas të cilit, opozita nuk do t’i bojkotojë zgjedhjet parlamentare të 2017, pavarësisht nëse shumica në pushtet do të plotësojë apo kushtet e saj për reformën zgjedhore. Urdhri konfirmon nisjen e përgatitjeve për sfidën e zgjedhjeve të 2017 dhe sigurisht gatishmërinë për të hyrë në zgjedhje.
Grupi i punësPër realizimin e kësaj detyre Basha ka ngritur disa grup pune. Sipas udhëzimit, grupet e punës, fillimisht duhet të kontaktojë çdo votues sipas listës së qendrës së votimit, por duke pasur gjithnjë prioritet anëtarët e PD. Së dyti, grupet e punës do të identifikojë performancën e votuesit, orientimin politik të mëparshëm dhe ndryshimin e orientimit politik. Po ashtu, grupet e punës duhet të identifikojë të gjithë votuesit pa adresë dhe votuesit në emigracion. Dy detyrat e fundit janë përcaktuar në kuadër të masave që do të merren kundër praktikave manipuluese në zgjedhjet parlamentare të 2017. Grupet e punës, të gjitha gjetjet, do t’i raportojë çdo javë tek një njësi përgjegjëse.
AfatiNë urdhrin e kryetarit të PD parashikohet një afat kur grupet e punës do të zbarkojnë në terren. Sipas urdhrit, brenda pesë ditëve nga hyrja në fuqi, duhet të mblidhen kryesitë e degëve të Partisë Demokratike. Në mbledhje duhet të konstituohen grupet e punës. Pjesë e një grupi do të jenë anëtarë të Këshillit Kombëtar të Partisë Demokratike, anëtarë të kryesisë së degës, drejtues të grupseksioni dhe drejtues të seksionit.
Redaksia Online
l.q/Shqiptarja.com
Sondazhi i ditës:
Kredimarrësit e këqinj s'do marrin më kredi, si e vlerësoni rregulloren e BSH?
-
Të mirë
71.8%
-
Të keqe
17.9%
-
Nuk e di
10.3%
Vota total: 1185
Votat totale janë unike
Lajme të tjera
-
Spahiu: Protestat për vrasjen në Pogradec, duhet vazhdojnë deri në shkarkimin e Prokurores që favorizoi autorin
19 Gusht, 20:06
-
Spahiu: Në mediat e Kosovës që kontrollon VV, mund të kritikosh më lehtë Zotin, por jo Albin Kurtin
19 Gusht, 20:05
-
Spahiu për skandalin e RTK: Adi Krasta duhet të bëhej palë me gazetarët e dorëhequr dhe jo me partinë
19 Gusht, 19:53
-
Tiranë/ Marshim nga sheshi Skëndërbej për Egli Progën, qytetarët kërkojnë drejtësi për vrasjen e tij: Kundër gangove me pushtet
19 Gusht, 19:45
-
Superliga/ Debutim pa gola, Laçi dhe Tirana ndahen në paqe
19 Gusht, 19:32
-
Lufta/ Ministri i Mbrojtjes së Izraelit: Ne do të qëndrojmë në Gaza derisa të çmontojmë Hamasin
19 Gusht, 19:21
-
Publikohet fotoja e 19 vjeçarit italian që humbi jetën pas përplasjes me Jet Ski në plazhin e Velipojës
19 Gusht, 19:18
-
Ministria e Financave: Rriten me 11.6 mld lekë të ardhurat në 7 muaj! Përveç fitimeve të bizneseve, tatimet e tjera janë në rritje
19 Gusht, 18:51
-
E PLOTË: 16 faqet e Procesverbalit nga mbledhja e jashtëzakonshme e Bordit të RTK-së
19 Gusht, 18:39
-
Si të rigjeneroni flokët e dëmtuar pas plazhit
19 Gusht, 18:34
-
Opozita, ‘sanduiç’ mes ballkonit, paranojave, SPAK-ut dhe plazhit
19 Gusht, 18:32
-
Morali fake i gazetarëve inkuizitorë që janë opozitarë në Tiranë dhe qeveritarë në Prishtinë
19 Gusht, 18:03