4 kompani private do mirëmbajnë
rrugët kryesore, kosto 128 mln euro

4 kompani private do mirëmbajnë<br />rrugët kryesore, kosto 128 mln euro
Mirëmbajtja e segmenteve kryesorë të vendit nuk do të bëhet më nga Ministria e Transporteve por nga 4 kompani private. Qeveria do të hapë më 16 shtator tenderin për dhënien me kontratë te 4 kompani private mirëmbajtjen e 1400 kilometrash rrugë.

Programi do të kushtojë 128 milionë euro dhe do financohet në bashkëpunim me Bankën Botërore, në kuadrin e “Projektit të Bazuar të Rezultatet për Mirëmbajtjen dhe Sigurinë e rrugëve”. Bëhet fjalë për katër kontrata në segmentet Shkodër-Kukës, Dibër-Tiranë, Fier-Elbasan-Korçë, dhe Vlorë-Gjirokastër.

Mësohet se 16 kompani kanë kaluar fazën parakualifikuese të tenderit. Mes tyre numërohen një numër i madh kompanish huaja, por edhe pesë kompani shqiptare që janë përfshirë në tender në bashkëpunim me shoqëri të huaja. Ato janë Gjoka, Gener 2, Geci, Albavia dhe Salillari.
 
Shifra prej 128 milionë eurosh është e ulët duke parë se Ministria e Transporteve vlerëson që deri në vitin 2020 nevojiten 329 milionë euro për të siguruar kushtet e duhura për mirëmbajtjen e rrugëve. Aktualisht përdoret për mirëmbajtje vetëm 25-30% e fondeve të nevojshme për të garantuar kushtet e duhura të rrugëve. Kjo shifër është më e vogël nga ajo që arkëton Qeveria ccdo vit nga taksat që u mblidhen qytetarëve (si akciza e karburanteve apo taksa e qarkullimit).
 
Qeveria shqiptare ka shpenzuar mesatarisht 2,914 euro për mirëmbajtjen e një kilometri rrugë në vitin 2012, e cila është e pa mjatfuteshme dhe e ulët në krahasim me vendet e rajonit. Kosova në vitin 2011 ka shpenzuar 3,700 euro për mirëmbajtjen e një kilometri rrugë, Bosnja 7,700 euro, ndërsa Serbia e Rumania mbi 9 mijë euro për kilometër.
 
Programi 128 milionë euro vjen në çastin kur Qeveria ka bërë publike edhe planin për zgjerimin me tre korsi të Superstradës Tiranë Durrës, i cili vlerësohet se do të kushtojë 150 milionë euro.

tab rruges

d.b/shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Koncesioni ‘politik’ PS-Rithemelimi, Korreshi në 'Frontline': Nuk do pengojmë SPAK-un

Koncesioni ‘politik’ PS-Rithemelimi, Korreshi në 'Frontline': Nuk do pengojmë SPAK-un