TIRANË- Forcimi i luftës kundër korrupsionit dhe krimit të organizuar, pavarësia e prokurorëve, nxitja e bashkëpunimit mes institucioneve dhe garantimi i mbrojtjes së të drejtave të njeriut janë rekomandimet bazë të Këshillit të Ministrave për Prokurorinë e Përgjithshme dhe atë të Posaçme (SPAK).
Krah kryeprokurorit Olsian Çela dhe prokurorit të Posaçëm Altin dumani, ministri i Drejtësisë Ulsi Manja prezantoi sot këto rekomandime, duke theksuar se kryefjalë mbetet forcimi i sistemit të drejtësisë dhe lufta kundër kriminalitetit.
Ministri i Drejtësisë bëri të qartë se duhet garantuar paanshmëria dhe shmangia e çdo lloj influence ndaj prokurorit gjatë kryerjes së hetimeve. Përpos kësaj, Manja u shpreh se duhet të vijohet me masat për rritjen profesionale të prokurorëve, përfshirë këtu trajnimet.
“Marrjen e masave procedurale dhe administrative për garantimin e paanshmërisë dhe shmangien e çdo lloj influence ose ndikimi ndaj prokurorit gjatë kryerjes së hetimeve; si dhe forcimin e mekanizmave të kontrollit dhe llogaridhënies së prokurorit.
Vijimin e masave për rritjen profesionale dhe organizimin e trajnimeve si për prokurorët ashtu dhe për oficerët e policisë gjyqësore, në përputhje me profilizimin e tyre sipas seksioneve brenda prokurorive, duke mbajtur në konsideratë edhe rekomandimet apo problematikat e konstatuara”, tha Manja.
Sa i takon luftës kundër korrupsionit dhe krimit të organizuar, Ministri theksoi se fokusi i rekomandimeve të Këshillit të Ministrave vendoset tek marrja e marrja e masave për evidentimin dhe rritjen e numrit të procedimeve penale dhe çuarjen e hetimeve deri në fund për dënimin e autorëve. Po ashtu, ministri tha se prioritet duhet të kenë edhe veprat penale në fushën e terrorizmit dhe ato që lidhen me mbrojtjen e sigurisë kombëtare e sigurinë kibernetike.
“Rritjen e rasteve të përdorimit me efikasitet të teknikave proaktive të hetimit për aq sa është e mundur, vijimin e rritjes së numrit të personave të hetuar dhe të dërguar për gjykim për këto vepra penale, si dhe ndjekjen me vendosmëri të kërkimeve për dënimin e autorëve të këtyre veprave.
Rritjen e numrit të hetimeve të çështjeve të filluara kryesisht, rekomandim i përsëritur ndër vite (numri i të cilave vijon të jetë i ulët), me qëllim rritjen e rolit të prokurorit në drejtimin dhe kontrollin e hetimit”, tha Manja.
Më tej ministri shtoi se nxisin bashkëpunimin e SPAK dhe Prokurorisë me institucionet ligjzbatuese të vendeve të tjera.
“Në kuadër të zhvillimit dhe intensifikimit të marrëdhënieve në nivel rajonal dhe ndër rajonal, një nga rekomandimet kryesore për vitin 2024 mbështetet në forcimin e ndërveprimeve dhe komunikimeve me autoritetet hetimore dhe institucionet ligjzbatuese të vendeve të tjera.
Nxitja dhe konsolidimi i bashkëpunimit me organizma që veprojnë në fushën e drejtësisë, sikurse me Interpolin, Eurojustin, organet e prokurorisë së vendeve të tjera mbetet sfidë dhe kërkon angazhim dhe vullnet bindës nga ana e organit të prokurorisë për të përçuar më tej veprimet në ndjekjen, hetimin dhe/apo dërgimin në gjyq/ekstradimin të të gjithë autorëve të identifikuar se jetojnë dhe veprojnë në territorin e Republikës së Shqipërisë”, tha Manja.
Kryeprokurori Olsian Çela përshëndeti rekomandimet e Këshillit të Minustrave, ndërsa tha goditja e çdo fenomeni kriminal është e domosdoshme.
“Përgjatë viti 2023 ndjekja e rekomandimeve të Këshillit të Ministrave qenë një element kyç i punës sonë. Prezantimi i këtyre rekomandimeve përbën prioritet për mënyrën se si organizojmë punën gjatë gjithë vitit, goditja ndaj çdo fenomeni kriminal është i domosdoshëm. Po me aq seriozit, me të njëjtin përkushtim, Prokuroria do vazhdojë të ndjekë të gjitha këto prioritete”, tha Çela.
Në fund të takimit, Manja iu përgjigj interesit të gazetarëve për një sërë çështjesh, ndërsa shprehu mbështetjen e plotë me kërkesën e Altin Dumanit që prokurorët e SPAK të kenë të drejtë rikandidimi, por tha se kjo kërkon konsensus më të gjerë.
(Kliko këtu për të lexuar dokumentin e plotë)
Komente
Lajme të tjera
-
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
I kallëzuar për 'shpërdorim detyre', shkarkoi drejtorin e UKSH në 2022! Ish-kryebashkiaku i PD në Shkodër, Bardh Spahia 1 orë në SPAK: S'ka lidhje me krimin, as korrupsionin (VIDEO)
24 Dhjetor, 09:54 -
Tjetërsimi i 66 mijë m2 tokë te Rana e Hedhun, Apeli i GJKKO dyfishon dënimin për ish-kryebashkiakun Frrokaj! Do kthehet në qeli, do vuajë 2,8 vite burg (VENDIMI)
23 Dhjetor, 14:15 -
Koncesioni i sterilizimit/ SPAK pranon kërkesën e GJKKO, rëndon akuzat për Beqajn, Rjepajn e Rrapajn! Avokatët kërkojnë kohë
23 Dhjetor, 10:59
-
Tiranë/ Akuzohet nga SPAK për deklarim të rremë, shtyhet përsëri seanca paraprake në GJKKO për Asllan Dogjanin! Solli raport mjekësor
23 Dhjetor, 10:13
-
Tiranë/ Për të dytën herë SPAK kërkon pushimin e çështjes për Selim Çekajn, akuza për përfshirje në trafik droge nuk vërtetohet! Gjykata shtyn vendimin
23 Dhjetor, 10:07
-
Simon Hadaj: Çfarë di Dumani që e tmerron Sali Berishën?
22 Dhjetor, 18:11
-
Mero Baze: Pse Flamur Noka po betohet se 'nuk merret peng'?
21 Dhjetor, 20:38
-
'Djathtas 1912' partia e parë që deklaron votën: Jemi pro zgjatjes së mandateve të prokurorëve të SPAK! 70% e qytetarëve e mbështesin, i vetmi që lufton korrupsionin
21 Dhjetor, 18:00 -
Ish-gjyqtarja Fetahu i kërkon nga qelia Gjykatës së Lartë rrëzimin e masës ‘arrest në shtëpi’ të vendosur ndaj saj në gusht
21 Dhjetor, 17:27 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Tentuan vrasin të "fortin" e Vlorës/ SPAK kërkon 11 vite burg për Luzin dhe Koroveshin! 2 vite e 9 muaj për Amarildo Nikollin
21 Dhjetor, 14:17
Perpara se te jepni rekomandime ju plehra te rilindjes duhet te denonconi hajdutet tuaj para se ta beje Spaku!
Përgjigju