Katër të rinj shqiptarë të vdekur dhe një në gjendje kome në spital është bilanci i një aksidenti tragjik në punë në një kantier ndërtimi në Hamburg të Gjermanisë.
Albert Zorba 31 vjeç nga Elbasani, Astrit Xheka 35 vjeç nga Dibra, Rruzhdi Hoxha 33 vjeç, nga Kukësi dhe një tjetër person nga Mati, kanë humbur jetën nga rrëzimi i skelës, ndërsa Alfred Visha nga Mati, 33-vjeç, është në koma në spitalin gjerman.
Grupi i punëtorëve shqiptarë ishin në gjermani me pasaporta false bullgare, gjë e cila solli edhe identifikimin me vështirësi të tyre, ndërsa tek punëdhënësi shtetas kosovar punonin në të zezë.
Besohet se numri i shqiptarëve që kanë humbur jetën në skelën që u shemb është pesë, të gjithë të regjistruar me dokumenta bullgare.
Mbrëmjen e djeshme është nxjerrë nga rrënojat një tjetër trup. Administratori shqiptar nga Kosova i firmës që kishte regjistruar shqiptarët me dokumente false është zhdukur.
Ngjarja ndodhi teksa shqiptarët po punonin për ndërtimin e një pallati në zonën e HafenCity. Mendohet se ka ende viktima nën rrënoja dhe po punohet për nxjerrjen e trupave.
700 punëtorët që punojnë çdo ditë në kantierin e madh të ndërtimit të qytetit Hafen u urdhëruan të evakuoheshin menjëherë në vendin ku ndodhi tragjedia. Skela ku po punonin shqiptarët në katin e tetë të një pallati u shemb dhe ra në një bosht ashensori.
Ngjarja e rëndë ndodhi 2 ditë më parë, teksa shqiptarët po punonin për ndërtimin e një pallati në zonën e HafenCity.
Ky është 35 vjeçari, Astrit Xheka një prej viktimave që ndërroi jetë pas aksidentit tragjik të ndodhur në një kantier ndërtimi në Hamburg të Gjermanisë.
Artur Xheka, vëllai i të ndjerit ka publikuar foton e 35 vjeçarit me një shkrim prekës.
"Vlla, ku ike, kaq shumë ta paska dashur Zoti! Ma ke këputur zemrën"- shkruan vëllai i të ndjerit.
Report Tv sjell foton e shqiptarit që mbeti i plagosur në kantierin e ndërtimit në Gjermani. Ai është Alfred Visha 33 vjeç.
Bashkë me punëtorë të tjerë, ia ka qenë duke punuar në një kantier ndërtimi në Gjermani, por skela ku po punonin në katin e tetë të një pallati u shemb dhe ai mbeti i plagosur, ndërsa 4 shqiptarë të tjerë mbetën të vdekur nga plagët e rënda që morën.
Mediat gjermane zbulojnë detaje të reja lidhur me aksidentin e rëndë në punë të ndodhur në një kantier ndërtimi në Hafencity të Hamburgut të hënën e 30 tetorit, ku humbën jetën 4 shqiptarë dhe një punëtor tjetër mbeti i plagosur. Policia në fillim kishte deklaruar se viktimat ishin bullgarë, por më pas korrigjoi informacionin duke thënë se katër nga pesë viktimat e aksidentit ishin shqiptarë.
Sipas departamentit të zjarrfikësve, pas 35 orësh arritën të shpëtonin punëtorin e pestë të mbetur në rrënoja gjatë mbrëmjes, i cili u dërgua në spital me lëndime të rrezikshme për jetën pas aksidentit të hënën. Sipas raportimeve gjendja e tij ishte e qëndrueshme.
Zëdhënës i policisë për gazetën Bild të martën e 31 tetorit, tha se ka identifikuar 2 viktima dhe personin e plagosur rëndë ndërsa për dy viktimat e tjera vijon verifikimi.
Si ndodhi aksidenti?
Aksidenti ndodhi mëngjesin e së hënës rreth orës 9:10 me orën lokale në kantierin e ndërtimit në Überseequartier. Një skelë me disa punëtorë ndërtimi në të ra nga kati i tetë në një bosht ashensori të brendshëm. Shërbimet e urgjencës që mbërritën fillimisht gjetën tre të vdekur dhe një punëtor me lëndime të forta të rrezikshme për jetën.
Sipas zëdhënësit të zjarrfikësve, operacioni në kantier ishte gjithashtu i rrezikshëm për jetën e zjarrfikësve. Vendi i ndërtimit u evakuua plotësisht.
Hetimet
Ende është e paqartë se përse është shembur skela. Specialistët e Policisë Kriminale të Shtetit kanë nisur hetimet për shkaqet e aksidentit. Senatori i Brendshëm i Hamburgut, Andy Grote (SPD) shprehu ngushëllimet e tij për familjet e viktimave.
“Ngushëllimet e mia të sinqerta shkojnë për të gjithë të afërmit e viktimave”, shkroi ai në platformën X (ish Twitter). Në të njëjtën kohë, ai ka falenderuar edhe shërbimet e urgjencës.
Ky nuk është aksidenti i parë i rëndë që ndodh në punë në Hamburg. Më 2 shtator 4 punëtorë ranë nga skelat në një aksident të ngjashëm në një kantier ndërtimi në urat Elba, Hamburg, jo shumë larg Hafencity, të cilët u plagosën dhe disa prej tyre ishin në rrezik për jetën.
Komente
Lajme të tjera
-
VIDEO/ Dëmtim i tmerrshëm në basketboll! Nëntë tifozëve u ra të fikët, njëri pësoi atak në zemër
22 Dhjetor, 17:45 -
Sulmi në Gjermani, ekstremistët kërkojnë dëbimin e refugjatëve
22 Dhjetor, 13:28 -
I dyshuari për sulmin në Gjermani përballet me 5 akuza për vrasje
22 Dhjetor, 13:10 -
Rreziku nga ‘ujku i vetmuar’! Italia përforcon masat e sigurisë pas sulmit në Magdeburg
21 Dhjetor, 21:48 -
Aksident në aksin ‘Librazhd-Prrenjas’, makina përplaset me kamionin, humb jetën shoferi i mjetit
21 Dhjetor, 08:50 -
Sulmi në Gjermani/ 5 të vdekur, mes tyre një 9-vjeçar, 205 të plagosur, 41 në gjendje të rëndë! Scholz viziton tregun e Krishtlindjeve (VIDEO)
21 Dhjetor, 08:12 -
Dy aksidente me vdekje në Durrës e Librazhd, dy të rinjtë humbin jetën pas përplasjeve me kamionët (VIDEO)
21 Dhjetor, 07:09 -
Gjermani/ Tragjedi në Magdeburg, makina përplas turmën në Tregun e Krishtlindjeve, 2 të vdekur e 68 të plagosur! Kapet autori! S'ka shqiptarë të lënduar (VIDEO)
20 Dhjetor, 20:49 -
Zgjedhjet në Gjermani/ Elon Musk shpreh hapur mbështetjen për AfD-në, partinë e ekstremit të djathtë
20 Dhjetor, 16:49 -
Aksident në aksin Tiranë-Elbasan/ 2 makina përplasen me njëra tjetrën
20 Dhjetor, 14:17 -
Arrestimi në Gjermani, Florian Marku në pritje të ekstradimit drejt Greqisë! Priten 6 muaj burg
19 Dhjetor, 12:47
-
Trafikonin kanabis me postë nga SHBA e Tajlanda në Shqipëri, kamuflohej mes makaronave aziatike! 3 të arrestuar, 3 në kërkim (EMRAT+VIDEO)
19 Dhjetor, 11:44
Jam dakord pjeserisht me /MONTREALIN/. E gjithe klasa politike e ka fajin qe mbushin xhepat dhe e kane lene vendin ne ate gjendje sa shtetasit shqiptare detyrohen te behen /greke e bullgare/per ca pensione te qelbura e per ca dokumente per te drejte levizjeje e pune e nje jete me te mire,megjithese keta te shkrete i kishin fallso dhe si patriote te mire,besoj se kane ndihmuar njeri-tjetrin per te gjetur ate vend pune perfshi dhe kosovari qe i ka marre ne pune ne te zeze e i ka regjistruar ata ne kundershtim me ligjin e tani eshte zhdukur.Sa per mos-hyrjen e Shqiperise ne BE,nuk eshte faji thjesht i politikaneve.Nuk u thane politikanet te mbillnin droge shqiptareve,i lejuan kur merrnin sponsorizime per votat e partite,por te lutem shume...!Shqipot kishin tre opsione 1-ose te shkolloheshin e te kishin sukses,ose 2- te punonin si keta fatkeqe,ose-3 te zgjidhnin rrugen me te shkurter-drogen.Shqipot i zgjodhen sipas rastit e mundesise qe te treja,por u penalizuan per opsionin e fundit.Dhe korrupsioni ne drejtesi per te cilen u penalizuam eshte me tre kende gjithashtu-gjykatesi/prokurori kur shit/blihet per nje ceshtje,politikani qe shit/blihet per 100 arsye dhe qytetari i thjeshte qe fillon e shit/blihet qe nga nje gjobe trafiku e deri per nje vote!!
PërgjigjuJane gollobordas, qe ne vitin 2017 jane bere bullgare.
PërgjigjuPo i bejn bullgare se shqiptaret i bejn mafioz,duke mare shembull dhe na opozita e dhjere shqiptare qe per inat te vjeres nxjer vrere per shqiptaret ne europ. Ambasada te ndery dhe ti mbeshtese me avokat qe mase marin na 1 pencion se kan femije apo njerez ne shqiperi te shkretet njerez qe jan hapur rrugve te botes per buken e gojes. Ju lutemi ambasades te bej dicka se jan pa dukumenta dhe esh e veshtire per pencion a demshperblim. Gjyna krim i madhe. Ndodhe aksindent ne cdo vend te europes do kete shqipetare. Ngushellime familjeve dhe zoti i marte prane ne xhenet
PërgjigjuLeri komentet e kota oppzita dhe Jo oppzita fajin e ka e gjith klasa politike qe mbushin xhepat per vete dhe mbushen vendin me droghe e lane Shqiperine mbi tridhjet vjet pa hy ne europpe e te leviznin shqiptaret lirshem