Energjia e rinovueshme është caktuar si prioritet prej vitesh për të rritur prodhimin e energjisë elektrike në vend dhe uljen e importit nga jashtë. Deri në vitin 2030, objektivi i qeverisë është që energjia e rinovueshme të jetë të paktën 45% e totalit të konsumit përfundimtar të energjisë të parashikuar për këtë vit.
Për të arritur tek ky objektiv sipas Ministrisë së Infrastrukturës dhe Energjisë, duhet përparuar në disa drejtime kryesore si ndërtimi i parqeve fotovoltaike të Karavastasë dhe Spitallës deri në 2023, që do të prodhojnë 240 megavat energji fotovoltaike në total. Ndërkohë deri në vitin 2030 nga burimet fotovoltaike prodhimi do të rritet me 490 megavat.
Po ashtu duhet të shtohen kapacitetet eolike me 150 megavat deri në vitin 2024 me synimin që ky prodhim të rritet me nga 60 megavat nga viti 2026, dhe në vitin 2030 energjia e prodhuar nga eolikët të jetë 300 megavat.
Por për të përdorur dhe injektuar në sistem energjinë e prodhuar nga burimet e rinovueshme, duhet të rriten investimet në sektor.
“Sipas disa vlerësimeve paraprake, për rinovimin e rrjetit të shpërndarjes për një trajtim më të mirë të injektimit të ndryshueshëm të energjisë së rinovueshme në terma afatshkurtër nevojiten rreth 40 deri në 80 mln euro investime”, thuhet në Planin Kombëtar të Energjisë dhe Klimës 2021-2030.
Në dokument janë të listuara edhe objektivat kryesore për infrastrukturën e transmetimit të energjisë, ku synohet reduktimi me 1,7% i humbjeve teknike në rrjet.
“Objektivat kryesore për infrastrukturën e transmetimit të energjisë elektrike janë:
• Reduktimi me 1,7% i humbjeve teknike në rrjetin e transmetimit të energjisë elektrike deri në vitin 2030.
• Përmirësimi i besueshmërisë së sistemit të transmetimit dhe i sigurisë së furnizimit me energji elektrike
• Përmirësimi i besueshmërisë së rrjetit të komunikimit dhe i sistemit të monitorimit dhe kontrollit në distancë për të forcuar sigurinë e furnizimit me energji elektrike
• Zhvillimi i rrjetit për të përmbushur kërkesën në rritje për kapacitetin e transmetimit nga konsumatorët industrialë dhe/ose prodhimi hidrik
• Integrimi i përshpejtuar i BRE-ve të ndryshueshme në sistemin e energjisë dhe disponueshmëri më e madhe e rezervave minimale për të balancuar prodhimin e tyre
• Përfundimi brenda afatit i planeve të investimeve, në veçanti i investimeve kapitale, të cilat bëjnë të mundur integrimin e BRE-ve në sistemin e energjisë elektrike
• Mbështetja e transaksioneve të tregut në territorin e shtetin dhe në rajon, në mënyrë që rrjeti i transmetimit të mos përbëjë pengesë për konkurrencën
• Rijetësimi dhe zëvendësimi i njësive të vjetra të rrjetit
• Shtimi i kapacitetit të transmetimit të linjave individuale, të planifikuara për rijetësim
• Zbatimi i teknologjive të reja në transmetim, nëse justifikohen nga pikëpamja teknike dhe ekonomike”, thuhet në dokument.
Në këtë plan kombëtar në fokus është edhe ndikimi i HEC-eve në mjedis, ku pranohet se ka dyshime në cilësinë e ndikimit social dhe atij në mjedis.
“Për sa u përket veçanërisht kontratave të koncesionit për ndërtimin dhe operimin e HEC-eve, janë shprehur dyshime lidhur me cilësinë e VSM-ve dhe VNM-ve të kryera në lidhje me projektet energjetike. Në përgjithësi, zbatimi i projekteve energjetike ka ecur më ngadalë se ç‘ishte programuar, gjë që duhet të trajtohet në planifikimin strategjik”, nënvizohet ndër të tjera në dokument.
(Kliko këtu për të draft planin kombëtar të Republikës së Shqipëris për Energjin dhe Klimën)
Komente
Lajme të tjera
-
PD: Të zgjerohet falja e gjobave, paratë mbrapsht kujt pagoi! Fshini detyrimet për ujë e drita dhe gjobat e policisë
18 Dhjetor, 10:51 -
Hapet gara për ndërtimin e hekurudhës Vorë - Hani i Hotit, Gonzato: Ndihmon lëvizjen ekologjike dhe zhvillon turizmin! Shqipëria po ecën me reformat, BE e mbështet
18 Dhjetor, 10:49 -
Bardhi denoncon zv/kryeministren: Vetëm me firmën e Ballukut ndodhin vjedhje dhe skandale të tilla, çfarë duhet më shumë për të mbajtur përgjegjësi?!
15 Dhjetor, 19:13 -
Borxhet e mbartura të Bashkive dhe Ministrive 10,5 mld lekë! Investime pa pasur fonde, Kavaja rekord, Tirana i përgjysmon për 9 muaj
1 Dhjetor, 18:35
-
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Skandali me shit-blerjen e energjisë elektrike, Bardhi: Shqipëria e paguan me 11,1 euro, Kosova me 7,4 euro! Abuzime kriminale, Balluku përgjegjëse, SPAK të hetojë
15 Nëntor, 17:40 -
1.5 milionë euro import në ditë, Kosova në krizë për energji ende pa hyrë në dimër
14 Nëntor, 19:00 -
PD akuza ndaj qeverisë: Keni çuar në kolaps sektorin energjetik
13 Nëntor, 16:34 -
Fatos Çoçoli: Sa fitojmë nga ulja e çmimit të energjisë?
8 Nëntor, 09:03
-
Qeveria: Në 1 janar 2025 do të ulim çmimin e energjisë elektrike për qytetarët
5 Nëntor, 14:33 -
Çfarë do të thotë hapja e kufirit energjetik mes Kosovës dhe Serbisë?
4 Nëntor, 17:42 -
Qeveria hedh për konsultim Projektligjin për ndërtesat e reja dhe rinovimin e atyre ekzistuese: Duhet të jenë pa emetime që nga 2028 (DOKUMENTI)
3 Nëntor, 18:44
Enegjia nga hidro nuk eshte e rinovueshme?!
Përgjigju