43-vjeçari i akuzuar për vrasjen e Novruz Likometajt del para gjykatës në Fier! Nëna dhe familja shpërthejnë në lot: E kam djalin e pafajshëm

Skënder Krasniqi, 43 vjeç, i akuzuar për vrasjen e shtetasit Novruz Likometaj ngjarje e ndodhur në nëntor të vitit 2015, ka dalë sërish para gjykatën e Fierit, ku do të njihet me akuzuat e reja.

Nëna e tij, bashkëshortja dhe dy fëmijët e kanë pritur në dyert e gjykatës me shpresën për ta takuar,  por ka qenë e pa mundur. Ata pretendojnë se Krasniqi është i pafajshëm, ndërsa e bija mes lotësh ka kërkuar ta shoh nga afër.

'A ka zot e perëndi e kam të pafajshëm! Kur do të bëhet drejtësi, kush ka lekë del nga burgu.'- thërriste e ëma e tij duke qarë.

Sot u zhvillua seanca paraprake për dërgimin e çështjes për gjykim. Gjyqtari Taulant Banushi vendosi pranimin e kërkesës së prokurorit për dërgimin e çështjes për gjykim.

Skënder Krasniqi u arrestua sërish në nëntor të vitit 2020, pasi sipas prokurorisë ka vrarë me mjete të forta fqinjin e tij Novruz Likometaj. Kujtojmë se trupi i 82 vjeçarit Novruz Likometaj u gjet i vrarë në një kazan mbeturinash në vitin 2015. Policia arrestoi atëherë si autor Skënder Krasniqin, por më pas ai u lirua për mungesë provash, për t'u arrestuar sërish 5 vite më vonë.

Mendohet se motivi i vrasjes ka qenë ngacmimi që i moshuari i ka bërë nënës së autorit. Nëna e Krasniqit nuk e ka pranuar diçka të tillë dhe ka thënë në polici se djali i tij nuk e ka kryer këtë vrasje.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shqiptari dhunon gruan dhe djalin e mitur në Itali

Shqiptari dhunon gruan dhe djalin e mitur në Itali