45.5 kg kokainë në konteinerin me mish pule në Portin e Durrësit, arrestohet administratori dhe agjenti doganor i kompanisë që porositi mishin nga Brazili

Egert Vargu, i arrestuar si agjent doganor i kompanisë ‘Apetit Group’, në konteinerin e se cilës u gjet 45.5 kg kokainë, është anëtarë i Këshillit Bashkiak në Tiranë në njësinë numër 8 me Partinë Socialiste. Vargu ka hyrë si anëtar i Këshillit Bashkiak pasi opozita ka braktisur këshillin, sepse ishte i 43-ti në listë.

Para hetuesve ka deklaruar se është agjent i pavarura doganor dhe se punon bashkë me gruan. Sipas tij ka bërë veprimet doganore për kompaninë dhe s’ka asnjë njohje dhe as lidhje. Pas arrestimit dhe procedimit penal ndaj tij,  i pezullohen funksionet publike.

Report Tv ka zbardhur dëshminë e administratorit të kompanisë ‘Apetit Group’, Arben Veizit, i i cili ka mohuar se ka lidhje me kokainën që u gjet brenda konteinerit me mish pule.

‘Nuk kemi lidhje me drogën. Kompani ka porositur mish pule dhe të gjithë veprimet neve i bëjmë online. Porosisim onlin dhe nuk kemi nga ta dimë se çfarë ka në konteiner. Kompani ka vite që merret me prodhimin e salçiçeve dhe është shumë e suksesshme. Nuk ka nevojë të implikohet në trafikimin e drogës. Ne si kompani nuk kemi asnjë lidhje, nuk kam dijeni për praninë e lëndës narkotike në konteiner.’- tha ai.

Po ashtu edhe agjenti doganor Egert Vrapi, ka mohuar se ka dijeni për dorgën.

‘Skam asnjë lidhje me këtë punë. Puna ime ishte të bëj procedura zhdoganimi. Unë nuk i kontrolloj konteinerët. Nuk është puna ime. Puna ime është të merrem me dokumentacionin’- tha ai.

Report Tv ka siguruar foto të konteinerit me mish pule, brenda së cilës u gjetën 45.5 kg kokainë në Portin e Durrësit. Në kuadër të operacionit ‘Tranzit’ policia e Durrësit, gjeti drogë në të ngarkuar me mish pule, që ishte nisur tranzit nga Brazili, për llogari të një subjekti tregtar në Maqedoninë e Veriut, filial i kompanisë 'Apetit Group' me qendër në Prishtinë.

‘Apetit Group’ me qendër në Kosovë, është kompania e cila kishte porositur mishin e pulës nga Brazili, por që brenda konteinerit të së cilës u gjetën dhe u sekuestruan 54.5 kg kokainë në Portin e Durrësit. Policia ka vënë në pranga administratorin e kompanisë Aben Ferizin dhe agjentin e saj doganor Egert Vrapin.