POP 5

Lajmet më të lexuara të 5 minutave të fundit

45.5 kg kokainë në kontejnerin me mish pule në Durrës, lihen në burg administratori i firmës dhe agjenti doganor

Pronari i kompanisë nga Kosova, Arben Ferizi, që kishte importuar mish pule, por brenda u gjetën 45.5 kokainë do të qëndrojë në burg pa afat. Ndërsa për agjentin doganor, që punon dhe anëtar i këshillit bashkiak në Tiranë, Egert Vargu, gjykata e Durrësit caktoi arrest me burg me afat 18 ditë. Ata të dy kanë mohuar implikimin në trafikun e drogës.

Ditën e sotme është mbajtur seanca për masën e sigurisë në Gjykatën e Shkallës së Parë Durrës, për dy shtetasit e arrestuar për shkak të sekuestrimit të kokainës në Portin e Durrës. Për Arben Ferizin u dha masa ‘arrest me burg’ dhe për shtetasin Egert Vargu ‘arrest me burg’ me afat 18 ditë.

Administratori i kompanisë "Apetit Group", prishtinasi Arben Ferizi dhe anëtari i Këshillit Bashkiak të Tiranës, që punon si agjent doganor Egert Vargu u kanë qëndruar deklaratave të mëhershme duke mohuar komplikimin në trafikun e kokainës nga Brazili. Ferizi është shprehur se kompania ka porositur mish pule dhe të gjithë veprimet i kryen online.

Ndërsa agjenti doganor Egert Vargu ka deklaruar se ka kryer vetëm procedurat për zhdoganimin e kontejnerit pa pasur dijeni për pakot me 45.5 kokainë.

Gjykatësi Vladimir Skënderi pasi dëgjoi prokurorinë dhe të arrestuarit, vendosi ta lërë Vargun në arrest me burg me afat 18 ditë, ndërsa Ferizi arrest me burg pa afat, si i dyshuar për trafik të lëndëve narkotike.

Sasia prej 45.5 kokainë u zbulua nga policia mbrëmjen e së mërkurës gjatë kontrollit me skaner të kontejnerit që kishte mbërrit tranzit nga Brazili me mish pule të ngrirë për llogari të kompanisë së përpunimit të mishit 'Apetit Group'.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Komisioni Hetimor për Shëndetësinë mblidhet sërish sot, pritet miratimi i planit të hetimit dhe kërkesave për informacion

Komisioni Hetimor për Shëndetësinë mblidhet sërish sot, pritet miratimi i planit të hetimit dhe kërkesave për informacion

25 Prill, 07:40