POP 5

Lajmet më të lexuara të 5 minutave të fundit

Kronikë

49 fëmijë të zhdukur në 4 vite
vajzat nën 14 vjeç më të rrezikuarat

Linja Kombëtare për fëmijët e humbur raporton shifra alarmante të fëmijëve shqiptare të cilët në katër vite janë bërë pre e trafikimit. 49 fëmijë raportohen të humbur vetëm në Shqipëri, ndërkohë në botë në një ditë raportohen 8 milionë. Mosha 14 vjeç është më e rrezikuar nga trafikimi. VIDEO
TIRANË - Linja Kombëtare për fëmijët e humbur raporton shifra alarmante të fëmijëve shqiptare të cilët në katër vite janë bërë pre e trafikimit. 49 fëmijë raportohen të humbur vetëm në Shqipëri, ndërkohë në botë në një ditë raportohen 8 milionë. Mosha 14 vjeç është më e rrezikuar nga trafikimi.

Linja kombëtare për fëmijët e humbur në Shqipëri në kuadër të ditës ndërkombëtare për këtë kategori personash raporton shifra tronditëse për fëmijë shqiptar të humbur në katër vitet e fundit.
 
Raporti i publikuar tregon për një 7-fishim të numrit të fëmijëve të humbur në Shqipëri. Ndërkohë theksohet se shifrat janë bazuar tek telefonatat dhe rastet e trajtuara gjatë periudhës 2009- 2014. Në katër vite raportohen 49 fëmijë shqiptarë të humbur dhe të pagjetur ende.
 
Sipas raportit fëmijët vajza dhe fëmijët nën 14 vjeç janë më të ekspozuar ndaj fenomenit të humbjes, rrëmbimit dhe trafikimit. Çdo ditë në botë humbasin rreth 22.000 fëmijë apo 8 milion fëmijë në vit. 1 në 7 fëmijë të humbur ka më tepër gjasa që të bëhet viktimë e trafikimit dhe shfrytëzimit.
 
30% e viktimave të trafikut ndërkombëtar të fëmijëve janë me origjinë nga vendet e Europës Juglindore. Linja kombëtare për fëmijët e humbur ka vënë në dispozicion të qytetarëve numrin 116 ku raportohet se çdo ditë një fëmijë mendon të largohet apo është larguar nga shtëpia në Shqipëri.
 
Arratisja apo largimi nga shtëpia e fëmijëve dhe adoleshentëve nga disa orë në disa ditë është forma më e përhapur e manifestimit të refuzimit që fëmijët në Shqipëri i bëjnë situatave familjare, dhunës, abuzimit dhe neglizhimit.
 
Qëllimi kryesor i Ditës Ndërkombëtare për Fëmijët e Humbur është të inkurajojë të gjithë institucionet dhe shoqërinë që të mendojnë për fëmijët e humbur dhe për të përhapur mesazhe shprese.

Redaksia Online
(a.h/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

VIDEO/ Futbollisti shqiptar në histori, i shënon PSG-së pas vetëm tre minutave lojë! Kupa e Francës sjell çudira

VIDEO/ Futbollisti shqiptar në histori, i shënon PSG-së pas vetëm tre minutave lojë! Kupa e Francës sjell çudira

16 Janar, 09:44