Shqipëri - Çeki do luhet më 12 tetor në orën 20:45, ndeshje e vlefshme për grupin E kualifikues të Euro 2024. Për duelin e së enjtes në mbrëmje që zhvillohet në "Air Albania", FSHF nxori në shitje mesditën e së martës edhe 1139 biletat e mbetura. Në vetëm pak minuta biletat "avulluan", teksa radha e tifozëve që kërkonin një biletë shkoi deri në pesë mijë.

Për shkak të numrit të lartë të vizitave në web-faqen e FSHF-së, serveri u bllokua dhe për pak minuta faqja nuk mundet të hapej. Ndërkohë pas shumë minutave pritje, kur faqja e biletave ishte aktive, këto të fundit ishin "sold-out".

Për disa minuta faqja e FSHF-së nuk funksionoi

Intersi për këtë ndeshje ka qenë i lartë, me tanët që e kanë një finale këtë duel, duke dashur grupet e Euro 2024 që zhvillohet verën që vjen në Gjermani. Kujtojmë se 20 mijë biletat e ndeshjes u shitën disa javë më parë brenda disa orësh po online, me tifozët që patën ankesa për menaxhimin dhe mosfunksionimin si duhet të serverit të faqes.

Tanimë edhe 1139 biletat e mbetura "avulluan" për pak minuta, me një përdorues që mund të merrte deri në katër të tilla. Kujtojmë se këto bileta ishin të rezervuara për tifozët miq, me Federatën Çeke që nuk mori të gjithë numrin e rezervuar, duke bërë që FSHF t'i rihidhte në treg për tifozët kuqezinj.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera