5 shqiptarë 'shpëtojnë' nga Al-Hol, flet babai i Alvin Berishës: Presidenti i Gjysmëhënës së Kuqe më tha se kampi do shkrihet, së shpejti do dalin të gjithë

Afrim Berisha babai i Alvin Berishës 12-vjeçarit që doli nga kampi Al Hol pas 5 vitesh vuajtje, ka reaguar lidhur me lajmin e nxjerrjes nga kampi të 4 fëmijëve dhe një gruaje në karrocë të cilët shumë shpejt pritet që t'u bashkohen familjeve të tyre. 

Ai deklaroi në një intervistë në Report Tv se presidenti i Gjysmëhënës së Kuqe i ka thënë se shumë shpejt kampi do të shkrihet dhe se të gjithë fëmijët dhe gratë që ndodhen atje do të kthehen në shtëpi.

"Sot në mëngjes më lajmërojnë më dërgojnë disa foto dhe fola me të. Shpejt do të kthehen të gjithë të gjithë fëmijët dhe gratë shqiptare. Ata që morën pjesë në shpëtimin e Alvinit kanë marrë pjesë dhe për këta fëmijë. Kam folur me presidentin e kryqit të kuq italian dhe i kemi përgatit të gjithë gratë dhe fëmijët shqiptar. Na tha të lajmërojnë të gjithë familjet. I thashë që skam numër kam vetëm numër të Dumanit. Shpejt do të kthehen këta.

Tani është hapur llafi për 4 fëmijë dhe një grua. Në dijeninë time janë 73 nëna që duan të vijnë në Shqipëri. Këtë javë të do të vijnë të gjithë. Kampi i Al Holit do të shkrihet. Nuk ka asnjë problem, në këtë mision ka hyrë edhe shteti sirian dhe duan ti largojnë të gjithë sa janë aty. Presidenti i Gjysmë Hënës më tha se i gjithë kampi i Al Holit do të shkrihet", shtoi ai.

Lajmi kryesor:

Zbardhen emrat e 5 shqiptarëve të nxjerrë nga Al-Hol! Mes të shpëtuarve dhe Endri Dumani, e motra refuzoi! 20 të tjerë transferohen në një kamp më të sigurt (VIDEO)

TAG:
• edi rama
• Siri
• AL HOL
• eva dumani
• endrit dumani