POP 5

Lajmet më të lexuara të 5 minutave të fundit

Kronikë

5 vite SPAK/ Romeo Kara në Report Tv: Berisha sfida kryesore! Jo heqje non gratash, por shpallje të reja! Shabani: Saliu e Meta të akuzuar se kanë porositur vrasje

SPAK nisi punën në vitin 2019 dhe është kthyer në një nga institucionet kyçe të reformës në drejtësi, ndërsa më 19 dhjetor festoi edhe 5 vjetorin. Lidhur me punë e bërë deri më tani nga SPAK, juristi Romeo Kara, u shpreh se puna duhet që të vijojë. 

SPAK nisi punën në vitin 2019 dhe është kthyer në një nga institucionet kyçe të reformës në drejtësi, ndërsa më 19 dhjetor festoi edhe 5 vjetorin.

Lidhur me punën e bërë deri më tani nga SPAK, juristi Romeo Kara, në një lidhje skype mbrëmjen e sotme në emision ‘Studio Live’ në Report Tv, me gazetarin Arbër Hitaj, u shpreh se puna duhet që të vijojë. 

‘Puna e bërë nga SPAK në këto 5 vite është një punë e cila duhet të vijojë. Trendi i punës së SPAK ka ardhur duke u rritur, duhet të mos ketë më asnjë person të pandëshkueshëm’, tha ai. 

I pyetur se cila është sfida konkrete e SPAK, ai u shpreh se janë personat që janë nën hetim. 

‘Janë personat duke nisur që nga Berisha që është bërë kryefjala e kundërshtisë ndaj SPAK, kemi Metën po ashtu. Ne duam një drejtësi që të shkrijë atë padrejtësi që mban në kurriz Berisha dhe berishizmi dhe kushdo që ka vjedhur. Berisha një heqje mase arresti e përktheu si fitore ndaj sistemit të drejtësisë.   SPAK duhet që të dal në fushën e lojës dhe të mos intimidohet. Ata do të përballen me njerëz të të gjitha llojeve’, tha ai. 

Teksa u ndal tek non gratat e shpallura së fundmi nga SHBA, ai tha se emra të tjerë do të shpallen non grata. 

‘Do kemi non grata të reja dhe jo heqje non gratash’, tha ai. 

Për kreun e nismës ‘Thurje’, Endri Shabani, kundër SPAK janë vetëm Meta dhe Berisha. Ai deklaroi se ata janë të akuzuar se kanë porositur edhe vrasje.

‘Ligjet që ata vet kanë votuar duan që të mos zbatohen për ata, por të zbatohen për qytetarët e zakonshëm. Ama kodi penal nuk mund të mos aplikohet tek Berisha, Meta dhe Rama dhe të aplikohet tek qytetarët. Është një gjë normale që ata të na sulmojnë ne. Meta dhe Berisha duan një drejtësi si ajo që kishim që ndante pazare Meta, u kap me 700 mijë euro, por drejtësia tha s’është e vërtetë ajo që keni parë. Berisha dhe Meta duan monopolin e opozitës për pazare. Këta janë njerëz që kanë vjedh, kanë paguar edhe njerëz me pagesë për të bërë vrasje. Dikush duhet që të luftojë për këtë vend’, tha ai.  

Gazetari Anri Bala, u shpreh se në këto 5 vite që nga krijimi i SPAK në Shqipëri është rritur dëshira tek qytetarët për të jetuar dhe investuar në këtë vend. 

‘Në gjykim tim sot shqiptarët prej 5 vitesh kanë më shumë dëshirë që të jetojnë në Shqipëri dhe të rikthehen dhe të investojnë në Shqipëri.  Ajo që ka sjell SPAK me vullnetin e SHBA dhe BE kanë ndezur shpresën tek shqiptarëve. Sot të gjithë ata që janë subjekt hetimi i SPAK e kanë humbur luftën me drejtësinë’, tha ai. 

Rendit zhvillimet sipas orarit:
Ora 19:27
Trafiku në Tiranë, Shabani: Shkaku që s’mund të vija në studio! Bala: Policia bllokon rrugët pa arsye, problematikë edhe parkimet e gabuara 

 

Trafiku i rënduar me të cilin përballen çdo ditë qytetarët në Tiranë, ka qenë temë diskutimi edhe në ‘Studio Live’, në Report Tv, me gazetarin Arbër Hitaj, mbrëmjen e sotme.

Kreu i nismës ‘Thurje’, Endri Shabani përmes skype kërkoi ndjesë se duhej të ishte në studio, por e kishte të pamundur për shkak të trafikut të rënduar. 

Madje nënvizoi se 7 ditë të një muaji, kryeqytetasit që përdorin makinë i kalojnë në trafik.

‘Kërkojë ndjesë sepse dot duhet të isha në studio. E kam ngritur këtë shqetësimin, trafiku është pasojë e numrit të lejeve që jepen brenda unazës së qyteti dhe transporti publik, kur ai dështon atëherë qytetari merr makinën e vet. Nëse nuk ka një politikë që të zgjidh problemin e transportit publik në Tiranë atëherë kjo do të jetë edhe panorama. Unë sot në Tiranë kam harxhuar 2 orë për të lëvizur nga një pikë në një pikë tjetër. Një javë në Tiranë gjatë një muaji ne e kalojmë në trafik dhe ne duhet që të nisim me politika afatgjatë që zgjidhin këto probleme’, tha ai. 

Gazetari Anri Bala, tha se për të mbërritur në kohë në studio, u nis 1 orë e gjysmë më herët.

Bala deklaroi se policia që duhet të mbarëvajë trafikun, bllokon edhe më shumë rrugët. 

‘U nisa një orë e gjysmë para për të ardhur. Dje kam dal një orë para që të shkojë në teatër dhe nuk arrita dot që ta kap. Drejtuesit e mjeteve ankohen për pjesën e policisë. Në familjet shqiptare është bërë domosdoshmëri një mjet.  Madje u duhen edhe dy makina, që të cojnë dhe fëmijët në shkollë dhe të ikin edhe në punë. Policia e Shtetit del për ta mbarvajtur trafikun dhe dalin vend e pa vend dhe bllokojnë rrugët pa asnjë shkas. Ka nevojë për një mjet alternativ lëvizëse. Mjetet e bizneseve ndalojnë vend e pa vend, parkojnë dysh dhe tresh’, tha ai.

S.B/Shqiptarja.com

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    19 Dhjetor, 08:16

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit

'Vërtet i tmerruar nga sulmi terrorist në Magdeburg', reagon Rama: Mbetemi të bashkuar kundër terrorizmit

'Vërtet i tmerruar nga sulmi terrorist në Magdeburg', reagon Rama: Mbetemi të bashkuar kundër terrorizmit

20 Dhjetor, 23:03