POP 5

Lajmet më të lexuara të 5 minutave të fundit

Kronikë

51 vjeçari i burgosur në burgun e Fierit ndërroi jetë në spital, të afërmit e tij: Na thanë se pësoi infarkt kardiak por nuk vuante nga asnjë sëmundje

 

Banorë të fshatit Panahor të Mallakastrës janë shprehur të shokuar për vdekjen e papritur të 51 vjeçarit Simon Toska, baba i 3 fëmijëve i cili vuante dënimin në burgun e Fierit që nga gushti i vitit 2021 për veprën penale “prodhim dhe shitje e narkotikëve”.

Pavarësisht se në deklaratën e policisë thuhet se 51 vjeçari ndërroi jetë si shkak i një infarkti kardiak, të afërmit e tij mohojnë që viktima të ketë pasur më parë probleme shëndetësore.

“Simoni ka qenë shumë djalë i mirë me plot gojën. Simoni kishte 2 prindërit, 2 vëllezërit dhe motrën. Lajmi ishte shumë i hidhur, na erdhi shumë keq, nuk ka vuajtur nga asnjë sëmundje, e dimë se jemi bashkëfshatar.

Në 4:30 na morrën në telefon na thanë i ka rënë infarkt, ka vajtur pa shenja jete në spital. Nuk ka vuajtur nga ndonjë sëmundje, djalë më të mirë në fisin tonë nuk kishim, nuk ishte njeri problematik.

Ai nuk ka vuajtur më parë nga probleme shëndetësore, ka qenë i fuqishëm, i martuar me 2 fëmijë, asnjë nga familja nuk dinë gjë”- shprehen disa prej të intervistuarve.

Trupi i pajetë i 51 vjeçarit ndodhet në morgun e spitalit rajonal të Fierit dhe pritet të tërhiqet nga familjarët e tij. Familja ka hapur dyert e mortit ndërkohë që ceremonia mortore pritet të zhvillohet ditën e nesërme në varrezat e fshatit Panahor.


Lajmi kryesor:

U ndje keq gjatë qëndrimit në qeli, vdes në spital 51-vjeçari i burgosur në Burgun e Fierit! Të afërmit: Nuk vuante nga asnjë sëmundje
B.V/r.k./Shqiptarja.com
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

VIDEO/ 'Mangalem's Shade', magjia e dritave në lagjen muzeale të Beratit

VIDEO/ 'Mangalem's Shade', magjia e dritave në lagjen muzeale të Beratit

25 Dhjetor, 09:03 nga Mimoza Sinanaj