535 të arrestuar në një javë në të gjithë vendin! Gjatë 24 operacione, sekuestrohen armë zjarri, drogë, një laborator kanabisi dhe rreth 1 milion euro false

Gjatë një jave u arrestuan, proceduan dhe shpallën në kërkim 535 persona në total nga forcat e Policisë së Shtetit. Nga këta 164 u arrestuan për vepra të ndryshme penale, 354 të proceduar dhe 17 të shpallur në kërkim. Sipas statistikave të përpiluara nga Drejtoria e Përgjithshme e Policisë së Shtetit, nga e hëna e 14 shkurtit u kapën në total 36 persona në kërkim, 31 prej të cilëve në kërkim kombëtar dhe pesë të tjerët në kërkim ndërkombëtar. Si rezultat i kontrolleve u zhvilluan 24 operacione policore të koduara: "Four", "Transit", "Stacioni", "Ndërveprimi", "Restart", "Bradasheshi", “Ulëza”, "No more", "Seven", "Eksplozivi", "Fati i lojërave" në tre raste të ndryshme, "Fake Test", "Lastra", "Lumthi", "Gramsh 2022", "Shëtitësi", "Lalm i Ri", "Contraband", "Moonlight", "Vjosa e pastër", "Ëhiteness" dhe "Shoshan".

Në fushën e armëmbajtjes pa leje, si armë zjarri, armë të ftohta dhe municion luftarak, u evidentuan 13 raste, me 8 persona të arrestuar, 4 të proceduar dhe 1 në kërkim. Sa i përket sekuestrimeve të materialeve të paligjshme u gjetën 4 armë zjarri, municion luftarak, 8 armë të ftohta, 450 gramë kokainë, 73 kilogramë kanabis, rreth 1 milion euro të falsifikuara, një sasi paketash kontrabandë, peshore elektronike, çipsa, monitorë për lojëra fati, granata, radio policie dhe sende të tjera.

Në javën që po lëmë pas, Policia e Shtetit ushtroi plan operacional për gjetjen e laboratorëve të kanabis sativa në ambiente të mbyllura. Si rezultat i kontrolleve në të 12 qarqet e vendit u sekuestrua 1 të tillë në Tiranë, në afërsi të ish-Parkut të Autobusëve.  Në këtë operacion u sekuestruan edhe llamba elektrike dhe aksesorë të tjerë që përdoren për të rritur kanabis pa ndihmën e dritës së diellit. Po ashtu u gjetën edhe dy të tjerë për teste të falsifikuara dhe ushtrim veprimtarie pa licencë e kasë fiskale.

LEXO EDHE:
Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim

U evidentuan 42 raste të krimeve mjedisore, me 41 persona të proceduar dhe 2 të shpallur në kërkim. U evidentuan 11 raste të organizimit të lojërave të fatit, me 10 persona të arrestuar, 8 të proceduar dhe 2 të shpallur në kërkim. Në fushën e narkotikëve u evidentuan 51 raste, me 24 persona të arrestuar, 32 të proceduar dhe 5 të shpallur në kërkim. 31 raste të dhunës në familje, me 16 persona të arrestuar, 15 të proceduar dhe 3 të shpallur në kërkim. Në fushën e krimit ekonomik u evidentuan 48 raste, me 6 persona të arrestuar, 41 të proceduar dhe 4 në kërkim. Ndërkohë u evidentuan 5 raste të kundërshtimit të punonjësve të Policisë, me 2 persona të arrestuar dhe 3 të proceduar.

Në fushën e qarkullimit rrugor u pezulluar 404 leje drejtimi, nga të cilat 300 për shpejtësi tej normave të lejuara, 85 për drejtim mjeti nën efektin e alkoolit apo në gjendje të dehur dhe 19 për qarkullim në sens të kundërt. U arrestuan 78 shoferë, 48 në gjendje të dehur, 26 për pa leje drejtimi dhe 4 për drejtim mjeti në mënyrë të parregullt, me pasoja për jetën. Janë vendosur 16.110 masa administrative. Gjithashtu, u goditën 8 raste të korrupsionit aktiv ndaj punonjësve të Policisë.

Gjatë javës u arrestuan, proceduan dhe shpallën në kërkim 32 persona, nga të cilët 12 të arrestuar, 18 të proceduar dhe 2 të shpallur në kërkim. U kapën 9 persona në kërkim, nga të cilët 6 në kërkim kombëtar dhe 3 në kërkim ndërkombëtar. U proceduan 13 persona për kalim të paligjshëm të kufirit, 6 persona të arrestua për dhënie ndihmë për kalim të paligjshëm të kufirit, si dhe u proceduar penalisht 1 tjetër, për trafikim të automjeteve. U goditën 10 raste të falsifikimit të dokumenteve, për të cilat u arrestuan 6 persona dhe u proceduan në gjendje të lirë 4 të tjerë. Gjatë një jave, nëpërmjet pikave të kalimit kufitar kanë hyrë dhe kanë dalë 244.540 shtetas shqiptarë e të huaj, si dhe 91.048 automjete.

TAG:
• policia e shtetit
• Arrestime

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1491

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq