POP 5

Lajmet më të lexuara të 5 minutave të fundit

Bota

55 të vrarë e qindra të plagosur, protesta e dhunë në Peru për dorëheqjen e presidentes! Policia plumba protestuesve, qytetarët djegin një efektiv

Situata është e rëndë në Peru, ku prej një muaji kanë shpërthyer protestat. Bilanci është 55 të vrarë, qindra të plagosur dhe miliona dollarë dëme materiale. Ndasitë e forta sociale dhe lëvizja anti-establishment, sipas mediave, janë motorët kryesorë të përplasjeve të dhunshme nga qytetarë që kërkojnë zgjehdje të parakoshme.

55 të vrarë dhe qindra të plagosur në përballje me forcat e policisë është bilanci i protestave të forta antiqeveritare, prej një muaji, në vendin amerikanolatin, Peru.

Autopsitë e 17 civilëve të vdekur të vrarë gjatë protestave gjetën plagë të shkaktuara nga armët e zjarrit, shkruajnë mediet vendase. Situata është përshkallëzuar, ndërsa protestuesit kanë djegur të gjallë një polic.

Të enjten, mijëra protestues u drejtuan për në kryeqytet, Lima, ku pati sërish përplasje të forta me policinë. Qeveria ka shpallur gjendjen e jashtëzakonshme.  

Mediet vendase shkruajnë se protestuesit kërkojnë rrëzimin e Presidentes Dina Boluarte, zgjedhje të parakohshme dhe ndryshime të rëndësishme në politikat ekonomike të vendit.

Trazirat në vend filluan në dhjetor pas arrestimit të ish-presidentit Castillo, i cili u akuzua për grusht shteti kur kërkoi të shpërndate Parlamentin. Shumica e protestuesve janë nga zonat rurale të Perusë dhe mbështesin ish-presidentin, pasi e shohin si figurë përfaqësuese të tyre.

Castillio është presidenti i parë në vend që vinte nga zonat rurale dhe fitorja e tij, sipas medieve vendase, tronditi establishmentin politik të Perusë. Qytetarët që protestojnë thonë se ish-mësuesi i varfër nga malësia e Andeve i përfaqëson, pasi edhe ai jetonte në një shtëpi të thjeshtë dhe i dinte problemet e tyre.

A.M./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Marrëveshje në Ohër, po shkojnë Kosova e Serbia drejt pajtimit përfundimtar?

Lajme të tjera



×

Lajmi i fundit

Vendoret/ Alibeaj: I kemi emrat e kandidatëve për 61 bashki

Vendoret/ Alibeaj: I kemi emrat e kandidatëve për 61 bashki

20 Mars, 19:59