POP 5

Lajmet më të lexuara të 5 minutave të fundit

Politikë

6 muaj në arrest shtëpie! PS i jep fund dilemës, nuk ‘prek’ mandatin e Berishës

Edhe pse prej 6 muajsh mungon në parlament pasi ndodhet në arrest shtëpie, kreu i demokratëve Sali Berisha nuk do ta humbë mandatin. Kryeparlamentarja Nikolla tha se ky rast nuk konsiderohet mungesë pa arsye e ish-kryeministrit, çka do t’i rrezikonte mandatin e deputetit.

Dilemës i jepet fund. Edhe pse mungon në parlament prej 6 muajsh për shkak se ndodhet në arrest shtëpie, Sali Berisha nuk do ta humbë mandatin e deputetit.

Në mbledhjen me dyer të mbyllura të konferencës së kryetarëve, Kryetarja e Kuvendit Lindita Nikolla tha se mungesa e tij për shkak të arrestit nuk konsiderohet mungesë pa arsye, çka do të kishte rrezikuar mandatin e tij.

Të njëjtën gjë, e konfirmoi edhe kreu i grupit të PD Gazment Bardhi.

“Sot Kryetarja e Kuvendit, lexoi drejt kushtetutën sa i përket mandatit të kreut të opozitës Sali Berisha. Strukturat ligjore te kuvendit argumentuan se Sali Berishës nuk i ndërpritet mandati pasi mungesa e tij në Kuvend nuk është pa arsye”, tha Bardhi.

Mini-fitoren, Bardhi e shoqëroi edhe me një kërkesë:

“Ne kërkuam që zotit Berisha, ne përputhje me kushtetutën t’i krijohet mundësia që të ushtrojë të plotë mandatin e deputetit duke marrë pjesë me seancat parlamentare dhe aktivitetet e tjera parlamentare. Në mënyrë arbitrare i pengohet ushtrimi i mandatit të deputetit”, u shpreh Bardhi.

Sali Berisha preku Kuvendin për herë të fundit më 21 dhjetor të vitit të shkuar, ditë kur Kuvendi vendosi heqjen e imunitetit për t’i hapur rrugë vendosjes së tij në arrest shtëpie, ndërsa i pezulloi edhe rrogën e deputetit e dietat.

Berisha ndodhet në arrest shtëpie prej 30 dhjetorit, nën hetim për aferën e privatizimit të ish-kompleksit partizani.

G.M./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tuku: 27/06/2024 11:46

    Ikni o pisa ju jeni te gjithe bashke…

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me të paktën 70 pasagjerë në bord! 6 të mbijetuar

Kazakistan/ Rrëzohet avioni me të paktën 70 pasagjerë në bord! 6 të mbijetuar

25 Dhjetor, 08:46